Fesoasoani mo le aiga o Uilelea

Tusia Deidre Fanene ,

75 Hits

O le aiga o Uilelea Akuino Tuiā, 47 le matua o le soifua e telē lava se mafatiaga o lo’o feagai ma latou.

O le aiga o Uilelea Akuino Tuiā, 47 le matua o le soifua e telē lava se mafatiaga o lo’o feagai ma latou.

O le aiga o Uilelea Akuino Tuiā, 47 le matua o le soifua e telē lava se mafatiaga o lo’o feagai ma latou.

O lenei tamā sa ia fa’aleoina ona mafatiaga i le vaega a le Fofoga o Samoa i le aso ananafi.

E to’a fa le fanau a lenei tamā ma e le faigaluega fo’i ae mai le afioaga o Fusi Safata.

“E tasi lava le tulaga o lo’o o’u moemiti ai o se nofoaga lelei mo a’u ma la’u fanau,” o lana saunoaga lea.

“O le tele o le mativa ua le mafai ai ona faia se mea pe fa’aleleia fo’i le nofoaga o lo’o matou i ai.

“O le vaitau lea ua i ai ma le tulaga o le mativa lea ua feagai ma tagata e leai sesi e mafai ona alo mai ai.”

Sa ia ta’ua fo’i ua atili ai ona fa’aopoopo lana avega ina ua fa’aleagaina uma e Gita le latou umukuka fa’apea ai ma le latou fale le ta’ua.

“O le vai ma le eletise o se avega ua leva ona tau ave e lea aiga.

“Ua lua nei tausaga o matou nonof iinei ma e leai lava se eletise poo se vai ua oo mai.”

“E le’i leva ona uma atu na toe faia le matou fale ona sa leai se saogalemu na i ai.

“E o’o i le fale le ta’ua o fale i aso lava ia anamua, e leai se soifua maloloina e maua ae ona ua pau lava lea o se nofoaga matou te gafatia.

“E leai se tane vai, leai se paipa ma se eletise ma e leai foi se tupe ina ia fai ai nei manaoga uma.”

Sa ta’ua e le tamā o le molī lea e fai ma eletise o le latou fale, o si ana fanau e la’u vai i le fale ose tasi o latou tuaoi ae na ia fa’ailoa fo’i e mita le suavai a le latou tuaoi e i ai taimi e ave ai sina seleni e totogi ai ae na te iloaina e le lava lea ona o aso uma lava e la’u vai mai ai i le latou tuaoi.

“E ese le faigata o lenei olaga e iai e fai o le vaai atu i si au fanau  ona o le faigata o le olaga o lo’o iai ae leai se mea e mafai ona fai ona o le mativa.

“E na’o le tina o le aiga e faigaluega ae oo foi i le totogi o le tina e le gafatia ona fai uma manaoga o le aiga.

“Pau le tulaga lea e i ai o le fa’amuamua o aoga a le fanau , ma fa’asoasoa lelei i mea e tatau ona fai, ae pei lava o aoga a le fanau le fa’amuamuaga.

“Tele o mea fai a le nuu, ekalesia aemaise ai le tausiga o le aiga ae le lava le seleni.”

O lesi itu na ta’ua e Uilelea o le fa’atauina atu lea o popo ina ia maua mai ai sesi seleni

“O lesi o’u atali’i e 15 tausaga o lana galuega o le alu lea e la’u mai atigi fagu e faaputu ina ia maua mai ai sesi alagā tupe.

“O le soifuaga lea ua i ai a le faigaluega le tagata o le a ola falōlō ma pologa ma o le vaitau foi lenei o le a lava se galuega e maua e le tagata talia ma le faafetai ona o nei aso ua faigata.”

© Samoa Observer 2016

Developed by Samoa Observer in Apia