Tatala le Fale-teu-ulu fou, le Miracle Beauty Saloon

Tusia Sarafina Sanerivi ma Fa’aliliu e Maiava ,

181 Hits

Le tama’ita’i o Miracle Unoi Sanerivi a’o alofaiva i lana taleni.

Le tama’ita’i o Miracle Unoi Sanerivi a’o alofaiva i lana taleni.

Tele tausaga o galue fa’aleiloga lava ma tau le-iloa, ui e tele vaega aloa’ia sa ‘auai ai o se tama’ita’i teu-ulu i Samoa nei, a’o lea la ua tatalaina nei le fale-teu-ulu a Miracle Unoi Sanerivi, i lana lava pisinisi i Falelauniu. 

Na amatamata malie lava mai i le amataga, a’o lea ua taunu’u le miti a Miracle, o le fa’atuina lea o lana lava pisinisi ua fa’aigoaina, o le FaleTeu-ulu a Miracle (Miracle’s Beauty Salon). 

Miracle Unoi Sanerivi(itu-taumatau) ma se tasi o lalelei sa teu e Miracle lona lau-ao o Aveleana Faith Esera. Ata- Coconut Wireless Samo

Miracle Unoi Sanerivi(itu-taumatau) ma se tasi o lalelei sa teu e Miracle lona lau-ao o Aveleana Faith Esera. Ata- Coconut Wireless Samo

I se talanoaga ma sui o le Samoa Observer, na ta’ua ai e Miracle, sa iloga lona fiafia i galuega o le teuteuina o ulu, a’o la’iitiiti lava.

“A’o ‘ou la’iititi, na ‘ou va’aia ai le matagofie tele o le teuteuina o ulu, e matua suia ai lava foliga o se tagata ma e suia ai fo’i lagona fiafia, lagona o le fa’amalieina o le loto,” o lana fa’aaliga lea.

“Ae na ‘ou iloa ai lava i lena taimi, lo’u mana’o e avea o se tasi e fa’atinoa ia suiga, suiga o va’aiga o tagata ma o latou foliga, e fa’afiafiaina ai fo’i le agaga e ala i le faia lelei o o latou lauulu.”

O le tama’ita’i 23 tausaga le matua, o se tasi ua fa’au’u mai le A’oga, le Cut Above Academy i Niu Sila.

Na ia ta’utino fo’i i le Samoa Observer, e le faigofie le  amataga o lona taumafai.

“Na ‘ou o’o mai i Samoa ma lo’u aiga, ono tausaga talu ai, ma ‘ou iloa lava la’u galuega o le a fai,” o lana fa’aaliga lea. 

Miracle Unoi Sanerivi(itu-taumatau) ma se tasi o lalelei sa teu e Miracle lona lau-ao o Aveleana Faith Esera. Ata- Coconut Wireless Samo
Miracle Unoi Sanerivi(itu-taumatau) ma se tasi o lalelei sa teu e Miracle lona lau-ao o Aveleana Faith Esera. Ata- Coconut Wireless Samo

“Sa taumafai lava e fa’ataunu’u la’u miti ma maua ai loa la’u galuega i le Double D’s.” 

O lana galuega lea na fa’amautuina ai loa lona mana’o e avea o se tasi e faia lea galuega o le teu-ulu ae maise fo’i, o le mea sa amata ai ona maua lona malamalama i le taumafaiga o lana pisinisi.

“Na amata lava i lou taumafaiu e fa’amautuina lo’u iloa, i lalo o le va’aiga ma le ta’ita’iga a le faletua o Donna Fonoti, lea e o’o mai nei lava, o avea o se tasi e fesoasoani, e fa’ala’ei’au mai fo’i ia te a’u, e pei lava o lo’u tina-mo’i.

 “Na ‘uma le lima tausaga o galue ai pea ma sa ‘ou fiafia ai fo’i ona o le to’atele o uso sa matou faigaluega ai, ma ‘ou iloa ai, atonu e iai lava se aso e taumafai ai e fa’atino la’u miti mai lo matou aiga lea ‘ou te naunau ai lava ona o lo’o iai fo’i nisi o lo’u aiga e fesoasoani mai.”

Ioe, na ‘ausia lava le mana’o ma le miti a Miracle. Ua faigaluega mai nei i lona aiga ma fa’atasi ai ma nai ona matua a’o tautuaina le mamalu o le atunu’u e aga’i atu e fa’afuga o latou lauulu ma teuteu.

Ae na ta’ua ai fo’i e Miracle, o fa’afo’i ai lava le fa’afetai i Le Atua ma lona aiga. 

“O la’u galuega ma le solosolo manuia, o se fa’amanuiaga tele lea mo a’u ma ‘ou te fa’afetai ai lava i Le Atua,”o lana fa’aaliga lea. “Lona lua, o o’u matua ma o’u tuagane, e na o le fa’amalosi’au mai lava ma fa’afiafia mai a’o fai la’u galuega.

 “’O le fa’afetai lava lea, ona ua fa’amanuiaina a’u nei ma leai nisi fa’afitauli ogaoga ma lu’itau sa iai e o’o mai i le aso.” 

O lana saunoaga mulimuli, na ta’ua ai e Miracle lona fiafia e una’ia atili lana pisinisi i se isi la’asaga i luga atu ma o le “Lagi lava le muta’aga o mea uma.” 

“A iai loa le fa’amoemoe, tu’u atoa loa iai lou fa’atuatuaga ma lou malosi,”o lana fa’aaliga lea. 

 “O lo’o taumafai lava ia fa’atele la’u pisinisi fa’atasi fo’i ma le tatalo, ina ia silafia e Samoa si a’u fo’i ‘au’aunaga e ofoina atu mo tama’ita’i uma ma teine ‘aulelei o Samoa o fia maua sa’u fesoasoani.

“O se galuega e fa’amanuiaina, e fiafia ai le loto ona o lou ofoina atu o se ‘au’aunaga e fiafia ma fa’amalieloto ai i tagata uma e afifio mai mo le teuteuina ma le suia fo’i o a latou sikaili.”

© Samoa Observer 2016

Developed by Samoa Observer in Apia