Faatupu Vevesi i le nofoaga faatali pasi

331 Hits

Tamaitai Aoga o loo savavali i le  Maota o Tina ma Tamaitai e faatali ai pasi e o ai i o latou aiga.

Tamaitai Aoga o loo savavali i le Maota o Tina ma Tamaitai e faatali ai pasi e o ai i o latou aiga.

Pai Mulitalo Ale

Faaliliu e Seagaitumua Tupuola

 

O vaaiga tau fusuaga mataga e aofia ai tamaiti a’oga o ni kolisi na tula’i mai i Savalalo i taimi faai’u o le aoauli ananafi. Na tula’i mai lea tulaga i se misa e aofia ai tamaiti a’oga o le Kolisi o Avele, le Kolisi o Sagato Iosefo ma le Don Bosco-lea na tupu i le nofoaga e faatali ai pasi-ma na matua faate’ia ai tagata lautele o le atunuu. 

O nai tina ma tamā matutua, tmaiti-sa taufetuli ese  e lalafi mai ma’a sa fetogi’ai solo ai. Sa ta’ei atigi fagu i lea nofoaga atoa. 

Na vave ona taunuu Leoleo ma o le toatele o tamaiti a’oga sa pu’e ma lafo I toton o taavale a Leoleo  ma ave e loka. O le fusuaga ananafi o le fusuaga talu ai nei lea o le tele o misa i nofoaga faitele o loo aafia ai tamaiti a’oga

Sa le mafai ona maua mai se manatu faaalia mai se tasi o a’oga ananapo.

Ae peitai o lea misa na matua tuua ai tagata lautele o le atunuu i se tulaga faate’ia ma le fefe.

 “Sa tau’ai solo ma’a i soo se nofoaga,” o le faaaliga lea a se tasi o avetaavale o taavale la’upsese. O nisi o tamaiti a’oga na manunu’a ona o lea tulaga ma o le toatele o i latou e mafai ona latou faafetaia Leoleo ona o le vave ona taunuu atu i lea nofoaga.   “Sa matou faatali mo la matou lava pasi e o ai i o matou aiga ae na matua faafe’ia lava i matou,” o le faaaliga lea a se teine a’oga mai le Kolisi o Avele.

Sa leai se mea e mafai ona matou sulufa’i i ai, na matou o mai ma o matou faia’oga ae le kea i ai i latou, sa latou osofa’i lava i matou.”

Fai mai lea teineitiiti-o ma’a, o atigi fagu ma laau sa tau’ai atu ia i latou. “Ua matou le iloa le mea o le a fai. 

Ua matou matua fefefe lava.”

Fai mai lea teineitiiti o tamaiti a’oga mai le Don Bosco na o atu faapitoa lava i lea nofoaga e fai se misi  ma tamaiti a’oga sa latou sailia mai Avele e aofia ai ma teine. E o’o mai anapo, ua faailoa mai e Avele e faapea o le a tapunia le a’oga i le asō. 

© Samoa Observer 2016

Developed by Samoa Observer in Apia