Maua le fesoasoani

Tusia Talimalie Uta ma Ilia L. Likou ,

81 Hits

Taliilagi Meki.

Taliilagi Meki.

O le agaga fa’afetai na fa’ailoa e le tinā i a Meki Taliilagi o Fasito’o-Uta ina ua mafai ona maua e ia se galuega mo le tausiaina aemaise o le lumana’i o lona aiga.

O lea fesoasoani ua auala mai lea i se galuega ua ia mauaina.

O lea galuega na afua  mai ina ua ia talosagaina i se tasi o tusitusiga o le Fofoga o Samoa e fa’apea o lo’o ia fia maua se fesoasoani tau i galuega mo lona aiga aemaise le fanau.

“Ia e le tele ni upu e fa’amatala ai le agaga fa’afetai ona ua mafai ona ofoina mai e le tinā i a Gaualofa Va’ai Papu o Vaivase Tai lenei galuega.

“E pei ona silafia ai letaimi muamua, ia sa taumafai ai lava ina ia mafai ona maua se avanoa mo le polokalame e fa’aleoina ai le manaoga a lo’u nei tagata fa’atauva’a ae fa’afetai i le Atua.

“O lea ua auala mai la outou pepa se ala ina ia mafai ona maua  ai se galuega aua le tausiaina o si a’u fanau aemaise ole aiga.

Na ia fa’ailoa o le galuega ua maua ua avea lea ma se fiafiaga sili i totonu o le aiga.

“Ia ua tatou tau fai ioe le faigata o le soifuaga o lo’o ua i ai nei, ona o le tele o le maualuga o le tau o oloa o lo’o ua i ai nei.

“Ae fa’afetai o lea ua maua le galuega mo le va’aia o le tinā lea ua mafai ona maua ai le $200 i le vaiaso, o ai ea na manatu o le a mafai ona maua se galuega fa’apea i se taimi vave.

“Ae e pei ona ou fa’ailoa atu, ia o le agaga fa’afetai lena ua i a te a’u le taimi lenei, e pei lava ona masani ai pea ova le fiafia , ia ua oge tala….

Na ia fa’ailoa o se popolega tele i a te ia  o le tau fa’asoasoa lea i aso uma.

“Ia ae fa’afetai o lea ua mafai ona maua mai lenei fa’amama avega, o le agaga fiafia tele lea i a te a’u, ma e ao lava ai ona  fa’afetai le alofa o le Atua.

‘O le a le galuega, ia o le a tu’u uma ai le malosi ma le atoatoa ma lona atoatoa ia o le mea sili ona taua o le fa’amoemoe i le Atua e manuia ai taumafaiga uma.

© Samoa Observer 2016

Developed by Samoa Observer in Apia