Saini e le Iuni a Europa ma Samoa se maliega mo le $58 miliona

Tusia Faaliliu e Seagaitumua Tupuola ,

127 Hits

Tuilaepa Sailele Malielegaoi.

Tuilaepa Sailele Malielegaoi.

Savali a le Iuni a Europa i le Pasefika Pepa Faalauiloa 

Ua saini e le Iuni a Europa (EU) ma le Malo o Samoa se Maliega Tau tupe mo se tau e 58 miliona Tala Samoa (E20.2 miliona) i le sauniga sa auai le Palemia i le fono a le Aso Tau le Atiina A’e o Europa lea sa fai i Peleseuma. O lea Maliega na saini e le Palemia o Tuilaepa Sailele Malielegaoi ma le Komesini o le Iuni a Europa mo le Felagolagoma’i Faava-o-malo ma le Atiina A’e o Mr Neven Mimica i le Aso Lulu 15 o Iuni.

I sana saunoaga i le sainiga o Maliega Tau Tupe -fai mai le Komesina i ke Iuni a Europa mo tulaga Felagolagoma’i Faava-o-malo ma le Atiina A’e o Neven Mimica: “Ua ‘ou fiafia lava e saini i lenei aso se maliega mo le faaauauina o le tatou galulue felagolagoma’i ma Samoa i le itu tau le Suavai ma galuega tau le Suavai.

Sa matou galulue vava-lalata ma le atunuu mo le sefulu tausaga talu ai ma ua matou vaaia ni taunuuga lelei. Ua matou tilotilo i le taimi i le tausisia e le atunuu o lenei tulaga maualuga tau matati’a ‘ausia ma faaauau pea ona fesoasoani e tuuina atu le suavai mama i le faateleina pea o tagata Samoa.”

O le Afioga i le Palemia o Samoa na ia faailoa ma le faafetai tele le faaauauina pea o le lagolago a le Iuni a Europa i lenei vaega.” O le Suavai o le ola aemaise ai lava mo atunuu o motu laiti o loo i laina i luma o le suiga o le Tau. Matou te faailoa atu ma le faafetai le faaauauina pea o le lagolago a le Iuni a Europa lea ua le gata ina fesoasoani i le siitia o isi fesoasoani mo lea vaega-ae ua una’ia ai foi le faaleleia o faiga tau pulega e mafai ona faaauau. 

O le faamoemoe o le maliega o le tuuina atu lea o le fesoasoani tau tupe ia Samoa e lagolago a’i le faatinoina o le faiga faavae a Samoa tau le suavai ma galuega tau le suavai tau le “Tulaga Mamā Faatuatuaina” mafai ona maua ma le tulaga faavae o le lelei i totonu o le fuafuaga tau le Pulega Tuufaatasi Tau Punavai, mo tagata uma i totonu o Samoa-ina ia faatumauina ai le tulaga faaleleia tau le soifua maloloina ma aveese ai le mativa.”

.O lea gaoioiga o le a faatūtū faapitoa i vaega tau faiga faavae ia e matua taua tele i le tali atu i le Suiga o le Tau e pei o le faafoeina o fuafuaga tau nofoaga e maua ai le suavai ma le atiina a’e o se faiga tau lapataiga o lologa. O le a mulimuli ane ona fai lea o se sao o le taumafaiga i le faamalosia o le Pulega o le Vaega, faaleleia le Pulea o Nofoaga e maua ai le suavai ma faateleina le avanoa i Suavai Mamā, Faatuatuaina ma e Tautofie mo tagata Samoa uma lava.

Ina ia tusa ai ma faiga faavae o le Tulaga Lelei o le Fesoasoani, o le matafaioi mo le faatinoina o le taumafaiga ua tuuina atu atoa i le Malo o Samoa. O le polokalame o le a tuuina atu ni faamamafa i faiga faavae faapitoa e pei o le tulaga lelei o le aoina mo tagata o le atunuu, le faaitiitia i i vaega i tua o le Apia Samoa Pulega o le Suavai ma le faatulagaina o faiga tau le feta’ia’iga- e ese ai mai isi mea..

O le faatinoina o le fuafua o le Tala o le Tupe Lagolago, o le totogiina atu o tupe o le fuafua foi i le faatinoga masani a Samoa e faasino i le faatumauina o tamaoaiga laiti, faamalosia o ana faiga tau le Pulea o Tupe a le Malo faapea foi ma le faatinoina o le Water & Sanitation Sector Plan.

Tala’aga

O le vaega o le suavai ma lona tulaga lelei ua matauina e avea ma faamuamua a le malo i lalo o le Fuafuaga i le taimi nei mo le Atiina A’e o Samoa (2012-2016), e faataua ai tulaga e afaina ai tau le suiga o le tau i le vaega tau le suavai ma le mana’oga ina ia faataua fuafuaga tau le fesuiaiga o le tau.

O le Vaega Tau le Suavai & Tulaga Lelei o le Suavai a le EU ma le Polokalame Lagolago Tau le Suiga o le Tau-o loo fuafua e laolago ai le Malo o Samoa -”Suavai mo le Ola Sector Plan 2012-2016”  ma o lona suitulga ma le faamoemoe o le tuuina atu lea o le suavai faatuatuaina, mamā ma le taugofie ma le tulaga lelei atoatoa mo tagata uma lava o Samoa ina ia faatumauina ai le soifua maloloina ma fo’ia ai faafitauli aemaise ai lava vaega e matua afaina ai. 

Savali a le Iuni a Europa i le Pasefika.

© Samoa Observer 2016

Developed by Samoa Observer in Apia