Mana’omia le suāvai
E ao lava i lo tatou malo ona ave le fa’amuamua i o tatou tagata nai le se isi lava itu ona iloa lelei le sologa manuia o so’o se taumafaiga o lo’o ua tatou i ai nei.
O le maua ai o le fa’atalatalanoaga a le Fofoga o Samoa ma Segia Salu na ia fa’ailoa ai le tulaga faigata ai lea ona tausi o lona uiga ona o le leai o se suavai maua.
“Ua leva ona o matou nonofo ai i lenei vaega ma o le tulaga mata’utia tele lea o lo’o i ai nei, o le le mafai ai lea ona maua se suavai mai le fia ma fia o tausaga.
“It’s nothing new because from the time of our ancestors, this has always been the case.
“O le uiga o la’u tala, o se itu ua leva na feagai ma lenei vaega o le atunu’u ma o se matua’i fa’afitauli lava i aso uma aemaise ai lo’u tagata aua e to’avalu si a’u fanau.
“Ia e leai se tanevai e fa’amoemoe ai le tele o taimi ae pei o si aiga i lalo atu o le auala o lo’o fa’alagolago tele ai le tele o taimi mo le tau aumaia ai o se suavai.
“Ia o le galuega matua e fai i aso uma, aua e le fa’apea e la’ala’a mai ma lima e ao atu ai vai, o le amo atu ma le amo mai le mea e fai i aso uma.
Na ia fa’ailoa le tele o vaega e fa’alagolago ai le suavai lona aiga.
“O le itu moni lava ma le mautinoa, ia o si o matou aiga, o lo’o fa’alagolago tele mea uma fai i tagamea ma so’o se mea lava.
“O se itu i la’u ia va’ai le tulaga faigata ai lava i aso uma le tau su’e mai le suavai.
“Na fa’afeso’otai le Pulega o le Suavai ma o lo’o talia lava sa latou tali mai e o’o mai le taimi lenei.
“Ia e pei o lo’o i ai le taimi lenei, ia e la’a lava e leai se ta’avale ma o le itu faigata tele lea.