O timuga o le fa’afitauli i le aufai fa’atoaga
O le vaiaso na te’a nei sa feagai ai si o tatou atunu’u ma tulaga i le tau.
O nisi o tagata ua avea ma tulaga mafatia.
O lea foi le manatu o Iosefa Lilomaiava o Tuana’i ina ua maua le fa’atalatalanoaga ma le Fofoga o Samoa.
O lona manatu fa’alia o le timu ua afau ai le lolovaia o lona maumaga ma fa’aleagaina ai.
“Fa’afetai ua iloa atu ave matagofie o le lā.
“O le maumaga mo le silafia o le fa’amoemoe lea si o matou aiga ma o lea foi le alagatupe,” o lana lea tala i le Fofoga o Samoa.
“Ae o lona lave ua fa’aleagaina uma e le lolovaia.
“Maimau pe ana iai lava se taimi avanoa o le Malo e asiasi mai ai i oga paipa o le mafuaga lea o le lolovaia o maumaga e tagataga’i ai nei fa’afitauli.
“O lea o le tulaga maoa’e ona o papa alavai ma ua mafua ai lenei fa’afitauli.
O le alavai lea ua mafaua ai ona tele le fa’aletonu o le maumaga.
“O lea foi le tulaga, lona uiga e umi lava se taimi e toe toto ai lo’u maumaga.
“Ua leiloa nei le mea a fai, o le maumaga o le fa’amoemoe o si o matou aiga i meaai ma alagatupe, ae peitai ua tupu mai lenei fa’afitauli o lea la ua leiloa le auala a fai ai.
“O a’u e iai le fanau aoga, e leai se tasi o matou e faigaluega, o le maumaga lava o lo’o fa’amoemoe ai.
“E iai foi ia te oe le lagoga o lo’o o’o mai ia te a’u pe a fai e afaina o lou maumaga ae mai se le limatamatau o lo’u aiga i ala ga tupe.
“Pau lava le tatalo, o le Malo ina ia tagatagaa’i lava i lenei le itu aua foi e le’o aiga uma e mautu se alagtaupe, pei foi la o si o matou aga nei.
“Ou te ta’utino atu o lo’o fa’asolo nei mafaufau ma manatu po fea e maua ai se tupe e fafaga ai si o’u aiga, ave ai le fanau le aogam ae maise foi meaai i aso taitasi aua ua fa’aleagaina le maumaga.
“E le’o se tama’i fa’afitauli lenei fa’afitauli.