O le faalauiloa a Leala

172 Hits

Tusia - Lanuola Tusani Tupufia

Faaliliu e Seagaitumua Tupuola 

 

O le a fai e le Fofoga o le Tautua Samoa Party, o Lealailepule Rimoni Aiafi, se faalauiloa aloa’ia e uiga i lona lumana’i a’o loma le Faiga-Palota Tele ia Mati. E ese ai mai lipoti ua faasalalau e nusipepa e faapea ua se’e atu le Sui Usufono o le Palemene o le Itumalo o Faleata i Sisifo i le Vaega Faa-Upufai e Puipuia Aia Tatau a Tagata (H.R.P.P.),o ananafi na ta’utino ai e Leala e faapea o loo avea pea o ia ma sui auai o le Tautua Party. 

“E le mafai ona ‘ou se’e ese se’ia aulia le faaiuga o Ianuari (pe a faataape le Palemene),”o lana faaaliga lea.  

Ua i ai le fuafuaga o le a faataape le Palemene i le Aso Faraile 29 o Ianuari 2016. I le taimi nei, fai mai Leala: “Ua ‘ou sauni e fai se talanoaga ma sui o nusipepa (i se taimi mulimuli ane) ma e tatau ona ‘ou faamalamalama atu i tagata (la’u faaiuga).”

O le masalomia o le lumana’i o Leala ua leva ona tautalagia pe a fua i lona toesea mai le fono faa-vaiaso a le Tautua ma tusitala o tala fou.

Ina ua fesiligia e uiga i lenei tulaga, fai mai Leala o fonotaga ma nusipepa o se mea lea e tuu i le faitalia ma e toatele sui auai o le Tautua Party e seasea lava ona auai. 

 “Mo le taimi nei, e tatau i tagata uma lava ona matua silasila ia latou lava faiga faatosina ma matua galulue ina ia mafai ai ona toe foi mai le isi palota.” Ina ua fesootai atu i ai mo sona manatu faaalia, sa ta’utino e le Taitai o le Tautua o Palusalue Faapo II e le’i faamavae Leala mai le latou pati..

Na ia teena le manatu e faapea o le aso lenei o fono faa-vaiaso a le pati ma nusipepa. Ina ua fesiligia le Palemia o Tuilapea e uiga ia Leala i le faagasologa o se talanoaga talu ai nei, e leai sona manatu na faaalia. 

Fai mai Tuilapea e le talitonu i ni tala feavea’i vagana ai ua ia vaaia lea tulaga ua tusi “i se peni ma se pepa.”Na ia faamalamalalamaina e faapea afai ua tonu ia Leala o le a sui lana vaega faa-upufai i le taimi nei, o lona uiga e tatau ona ia tuua lona nofoa ma fai se faiga-palota la’ititi. 

© Samoa Observer 2016

Developed by Samoa Observer in Apia