Tele fale-palota ua fuafua mo le palota tele

387 Hits

TAPENA MEA UMA MO LE PALOTA TELE: Ua tapena e le Ofisa o le Komisi mo Faiga Palota, pusa palota mo le fa’amoemoe o le Palota Tele a le Atunu’u ia Mati i lona aso 04.

TAPENA MEA UMA MO LE PALOTA TELE: Ua tapena e le Ofisa o le Komisi mo Faiga Palota, pusa palota mo le fa’amoemoe o le Palota Tele a le Atunu’u ia Mati i lona aso 04.

Fa’aliliu e Maiava

E 358 fale-palota ‘ese’ese ua fuafua e fa’aaogaina i le atunu’u aoao i le palota tele ia Mati, e fa’atusa i le na o le 290 sa iai i le palota talu ai i le 2011.

Ua mafua lea tulaga ona o le tele o faitioga na tu’uina mai sui-tauva i le palota talu ai, ona o le to’atele o tagata-palota e le’i mafai ona fa’ataunu’uina a latou palota, talu le le-lava o fale-palota sa i totonu o latou itumalo. 

Na fa’aalia i le Leitio Fa’ava-o-malo a Niu Sila e le Sui Komesina o Faiga Palota, Faimalomatumua Mathew Lemisio, o lo’o fa’ananau lava lo latou ofisa, ia ‘aua ne’i misia se palota a so’o se tasi ua agava’a pe a o’o i le Aso 4 o Mati aua o le a fa’aopoopo fale-palota mo itumalo e to’atele tagata-palota o iai. 

Ua fa’amaonia, e 115,741 le aofa’i o le ‘au-palota ua resitalaina a o le vaiaso mulimuli mo sui-fa’atutu e fia tauva, ua fa’atulagaina i le vaiaso mai le Aso 08 – 12 o Fepuari.

O le toe ‘ave i tua o suafa o sui-fa’atutu e tatau ona faia e amata mai le Aso 15 – 19 o Fepuari.

O le Aso 29 o le masina nei, e fa’ata’ape ai le nofoa’iga a le Palemene o iai nei.

© Samoa Observer 2016

Developed by Samoa Observer in Apia