Manaomia se tane vai- Makerita Taumaoe

Tusia Seia Soloi ,

123 Hits

Makeita Taumaoe, 38 tausaga le matua mai i le afioaga o Aleisa.

Makeita Taumaoe, 38 tausaga le matua mai i le afioaga o Aleisa. (Photo: Sei’a Soloi)

O le suavai o le ola lea o soo se tagata soifua. A leai se suavai ua leai se faamoemoe aua o le malosiaga atoa lea o le olaga o tagata.

O le aioi lea a le tina ia Makeita Taumaoe, 38 tausaga le matua mai i le afioaga o Aleisa. O le faafitauli tele lava o lo’o feagai ma latou o le leai o se suavai mo lona aiga aemaise o aiga uma o lo’o nonofo ma aumau i le afioaga o Aleisa.

“U a leva tausagã o tupu pea lenei faafitauli o le leai lea o se suavai mo matou ae le gata i lea o aiga lea o lo’o matou nonofo faatasi iinei ua vae faafia a matou talosaga i fono a le matou nuu mo se fesoasoani ae e leai lava” o lana tala lea i le fofoga o Samoa.

Na ia faaailoa o lea tulaga, e fai o le faigata mo ia ma lona iaga aua e leai seisi e faigaluega, e faamoemoe i le faatoaga aemaise le galuega faigata lea o le lauina o le suavai mo lona fale.

“O le faigata lea o le mamao o le auala ae o lea sailiia lea o se taavale e au mai ai ae pito sili ai le faatauina o le suavai.

Na ia taua, o le Ekalesia Mamona o lo’o faatau atu ai le latou vai e $100tala i le tane-vai laititi ma na ia faaailoa e le taitai gafatia e le a tane-vai manaoga o lona aiga.

“E toatele la’u fanau aua e toafitu ma le tama o e aiga, pau na, e moni a la e taugata ae ua matou leuiloa po o fea seisi mea e aumai ai le suavai mo matou.

O tu’utuu’uga o lea tulaga na taua e le tina ia Makerita, e na’o tagata lava o le ekalesia e ofo fua mai ai ae mo tagata lotu ese e faatau. O le faigata o le lauina i le fale o Nakerita aua e leai se taavale.

“Ua laki lava le taavale a se tasi o matou tuaoi o lo’o feaosasoani mai ua maua ai le faamama avega mo matou i aso uma.

Sa ia tau’a foi na iai ni polokalame na faasavali atu fesiligia ai le tulaga o le vai mo le latou nuu.

“Na omai suesue po o a mai le vain a faaailoa uma iai le faafitauli aua e pei o aiga i tua e pei o matou o lo’o gafatia ae o aiga o lo’o lata i luma o le auala o lo’o ola lelei lava.

O le talosaga a le tina e moomia ai se tane-vai mo lona aiga, o le mea sili lea ma taua.

“Pau a lea o le tulaga o lo’o faaletonu o le tulaga o le vai, aua a leai se vai ua le mafia ona faagaioi mea i totonu o aiga aemaise le tausiga o fanau.

© Samoa Observer 2016

Developed by Samoa Observer in Apia