Miti Asuelu mo se mea lelei ma atoatoa

Tusia Seia Soloi ,

115 Hits

Asuelu Tinau, 19 tausaga le matua mai i le afioaga o Faleseela,Lefaga ma Salelologa,Savaii.

Asuelu Tinau, 19 tausaga le matua mai i le afioaga o Faleseela,Lefaga ma Salelologa,Savaii.

O le alii o Asuelu Tinau, 19 tausaga le matua mai i le afioaga o Faleseela,Lefaga ma Salelologa,Savaii o lo’o moemiti e fia avea o ia ma faifeau mo le lumanai.

Ua leva ona moe miti iai le alii mai i lona lava laititi seia oo mai lava i le taimi nei.

“O la’u misiona lea o lea ou alu ai i atunuu e mamao o lo’o manaoga ia taunuu la’u miti na ou moomoo iai aua le tausiga o lo’u aiga.

Sa nonofo le alii o Asuelu i Savaii ma si ona tama i le tausaga ua mavae ma na toe faaipoipo lona tama ma mafua ai le toe omai ai iinei i Upolu aua ke sailiiga manuia mo lona aiga.

“Na i’u la’u aoga i le tausaga ua mavae ma maomai ai loa ma lo’u tama iinei, ua tuu foi la’u aoga ae fesoasoani i lo matou aiga e ala i le faatauina o kapisi ma pi aua se tupe mo le aiga” o lana tala lea i e Fofoga o Samoa.

E ui i le taugata ma le faigata o le soifuaga ae o le naunautaiga lava o le alii ia Asuelu ina ia maua meauma mo le olaga i aso uma o lona aiga.

“E iai le faamoemoe ou te alu a manuia mai lo’u faamisiona, o leisi lea fesoasoani tele mo lo’u aiga aemaise o lo’u foi ia olaga mo le lumanai.

Na ia taua foi le tulaga taugata ua iai nei le soifuaga ma le alu ai i luma o le tau o le soifuaga.

“A alu a i luma le olaga ua alu ai foi i luma ma le tau o le soifuaga, e le faigofie o le tagi lava i lima mea e fai ai.

O le naunautaiga o lenei alii a maea mai lana faamisiona o lea saili sana galuega lelei aua lona aiga.

“Faamoemoe a i le Atua e mafaia ai mea uma, ina ia faataunuuina la’u miti o le fia avea o au ma faifeau i le lumanai.

© Samoa Observer 2016

Developed by Samoa Observer in Apia