Tu’ua’i fo’i le mase’ese’e o le ‘auala
Ripotia e Sarafina Sanerivi
Fa’aliliu e Maiava
Na tu’ua’ia le mase’ese’e tele o le ‘auala ona o le mamafa o timuga, na mafua ai ona lavea se pasi i Tanumapua ananafi.
Ui e leai se tasi na afaina ai, ae ono tele lava ni a’afiaga e o’o iai.
O le pasi e malaga mai Lefaga e aga’i i le taulaga, ma i’u ina sese’e ‘ese ma le ‘auala-tele ma palasi ai i lalo o le ‘autu ma le ala-vai.
E taunu’u atu le Weekend Observer i le nofoaga lea, ae fa’amatala ane e se tasi sa va’ai-tino i le fa’alavelave e fa’apea, e fa’afetai lava ona e leai se tasi na afaina.
“Na taumafai lava le ‘avepasi e taofiofi le pasi mai le sese’e ‘ese aua ua matua mase’ese’e lava le ‘auala i le taimi lea, ae silasila fo’i lau susuna, e va-apiapi lava le vaega lea o le ‘auala,” o lana fa’amatalaga lea.
“E tele lava se mea e ono tupu ae fa’afetai i Le Atua o lo’o saogalemu le ‘avepasi ma le pasese.”
O lo’o fa’aauau su’esu’ega a Leoleo.