Fanau o tofi

Tusia Ilia L Likou ,

28 Hits

Sa’anapu Su’a.

Sa’anapu Su’a.

O lea le talitonuga o le tina i a Sa’anapu Su’a o Faleasi’u i le fa’atalatalanoaga ma le Fofoga o Samoa i le aso ananafi.

Na ia fa’ailoa e fa’apea o se itu lelei tele lea i lana va’ava’ai ai le taimi lenei i a te a’u lava ia o se itu  taua tele le taumafai ai e atia’e aiga.

“I lo’u ia iloa i ai, e leai lava se mea e sili ona lelei nai lo le amata mai lava i fanau le ola e aoaoina lelei.

‘A lelei lava ona fa’afailele i latou o lona uiga, o lea lava fo’i le tulaga e o’o i ai, aemaise o le taumafai ai aua le lelei o aiga.

Na ia ta’ua o lea lava le lagona o lo’o ua  taumafai ai nei.

“E leai lava se mea  faigata pe a o tatou taumafai e ave le fa’amuamua i le a’oaoina lelei o nai o tatou fanau.

“O le uiga o la’u tala o le taimi lava e lafoa’i ai e matua o latou tiute o lea fo’i le tulaga e mafai ona alia’e mai ai se isi tulaga le lelei.

“O se itu taua o le mafai ai lava lea ona maua e fanau le mafutaga vava lalata ma fanau aemaise o le taumafai ai pea i le amataga.

“Ia o tatou iloa o le tele o vaega e mafai ona o tatou fa’atinoina o le tele fo’i lea o le tamaoaiga e mafai ona o tatou selesele ai lumana’i.

“Ae a fa’atamala matua, e le taumateina fo’i le tulaga e o’o i ai, ma ose itu lelei tele lea i lo’u iloa i ai, o le taumafai ai pea o fanau aua le lelei alu i luma o aifa ma o se itu lelei tele lea.

© Samoa Observer 2016

Developed by Samoa Observer in Apia