Talosaga le tama mo sona tane-vai

Tusia Seia Soloi ,

80 Hits

Fia mo’omia se tane-vai: Ainamaua Koiti talosagaina se fesoasoani mo sana tane-vai.

Fia mo’omia se tane-vai: Ainamaua Koiti talosagaina se fesoasoani mo sana tane-vai. (Photo: Sei’a Soloi)

E tele itu e moomia mo le tausiga o e aiga e le gata mo feau masani ae mo le ola ai i aso uma. Ae o le mea pito i taua i totonu o so’o se aiga, o le maua ai lea o le suavai ma le paoa, aua le tausia ina ai o le ola mo aso uma.

O le mau a e tama ia Ainamaua Koiti, 72-tausaga le matua mai i le afioaga o Saoluafata a leai se suavai i totonu o se aiga, e leai ai foi se ola mo aso uma aua o le suavai e faafaigofie ai ona gaioi i mea uma o le aso.

“So’o se tagata soifua lava e mo’omia le suavai, o le matou nuu o lo’o ola lava i le matou lava vai ma o lea foi e totogi, $5tala i le masina ae.

“M a o’o lava ina pe, e pe mai lava pe a ma se tolu vaiaso pe lata foi i le lua masina” o lana tala lea i le Fofoga o Samoa

O lona mafuaaga, ua poloka alavai o lo’o faapea ona sao mai ai le suavai aua le faaaogaina e nai aiga o lo’o i uta i lea lava afioga o Saoluafata.

“O le ala ga leaga la lea aua a o’o ina poloka le alavai ua pepe atoa atu ai ma paipa a nisi o aiga o lo’o faapea ona matou nonof i uta nei.

O le afoi tulaga e o faatasi lava ma le eletise a le afioaga aemaise ai aiga o lo’o nonofo i uta o le Afioaga.

“A pe mai lava le vai ua faapena foi ona pe ai ma le paoa, o lea tulaga e le aofia ai aiga o lo’o i lalo o le auala aua e ese foi le latou ala poumuli.

“Ae pei o matou e faalagolago i le paoa o lo’o sau mai Sauniatu lea o lo’o ola ai niisi o aiga o lo’o latou nonof taitasi ma nisi o afioaga o lo’o i tua atu.

Pau le talosaga a le tama, o le fia mo’omia lea o sana tane-vai mo le sefeina mai lea o le suavai pe a oo ina le ola le eletise i le nofoaga o lo’o faamautu ai.

“O le tele o feau i aso uma e mo’omia ai le suavai aua le faiga o feau o tagamea ma meaai, aua a leai se suavai e le mafia ona gaioi se mea.

“O le mea taua a toe manaomia o se tane-vai pe e sili atu ai lena, aua a oo ina timu e faatali ai le sua-timu a o’o foi ina ola le suavai e mafia lava ona sefe iai.

I le taimi ne ii le aiga o le tama ia Ainamaua o lo’o faaaoga kalone laity e faatali ai a latou vai aua mea e mo’omia ai le suavai pe a faaletonu mai le tulaga o le ola ai o le vai i le afioaga.

“A maua mai lava se tane-vai ua lava lea ma totoe aua e faigofie ai ona fai feau ae le gata i lea o le sefeina mai lea o le suavai mai le so’ona faa’alu le aoga.

Ae fia fesoasoani mo le tama ia Ainamaua Koiti mo sona tane-vai fa’afeso’otai le numera 7629270 po o le 7657435.

© Samoa Observer 2016

Developed by Samoa Observer in Apia