Taumafai pea

Tusia Seia Soloi ma Fetalai Tuilulu’u ,

84 Hits

Kulesa Faiva.

Kulesa Faiva.

O le tausia lelei ai o lona aiga, o se tasi lea o fa’amuamua o lo’o silasila pea i ai le tamā o Kulesa Faiva, 45 le matua o le soifua o Sauano, Fagaloa.

 “Ia e mo le silafia ai, e pei o lea lava le tulaga o lo’o tatou tau faigalulue uma i ai, e leai lava se tagata e ola mai e fa’asamasamanoa lona mafaufau.

 “O le itu mautinoa lava, na mafaufau lava e su’e se galuega ae mo le taimi lenei ia e pei ua mafaufau lava mo se tupe vave ma o lea la ua fai ai nei le fa’atoa’aga.

 “Ia o le taiami lenei ia na’o a’u lava o lo’o galue mo le tausia ai o lo’u aiga I le taimi lenei, aua lava le aga’i le lumana’i.

 “O le uiga o la’u tala , e pei e sili fa’ato’aga mo i matou i tua nei, aua lava le aga’i atu le lumana’i.

 “Ia o le ele’ele e aoga tele mo fa’atoaga aemaise o lafumanu.

 “O le tele lava o taimi e talosagaina ai lava le taumafai ai lea mo le fa’aleleia o auala , ae maitau lava ia e le’i faia lava lea tulaga.

 “Ia e tele lava nisi o vaega o lo’o tilotilo i ai mo le atina’eina o aiga aepei o lo’o fuafua lelei lava.

“O le tele o nei vaega , e pei o le vaneina o la’au, aua a ave e fa’atau ia e maua mai le tupe.

 “E tele lava nai mea taulima ua uma ona fai, ma fa’atau atu i le maketi ia e tele lava nai tagata o lo’o fa’atauina ia ma maua mai ai nai tupe.

“O le olaga lava lenei, ia o le galulue lava, afai fo’i ae na’o le nofonofo o lona uiga ia ua leai lava se mea e mafai ona o tatou tua i ai lenei vaitau.

“Aemaise ai lava le aga’i atu le lumana’i.

© Samoa Observer 2016

Developed by Samoa Observer in Apia