TA’UTINOGA A SAGATO AOKUSITINO - OLA FAATA’ITA’I IA KERISO
- Confessions of St. Augustine-Immitation of Christ. Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer.
E UIGA I SE FAIGAMALO LELEI I MEA TAU LE LALOLAGI NEI, MA LE TOE FOI ATU I LE ATUA PE A LAMATIA I MEA FAIGATA
“Lo’u atalii e- ia e matua faia lenei mea e avea ma au taumafaiga i nofoaga uma ma au galuega i fafo atu-poo se galuega e te lagona ai le sa’olotoga i totonu-ma ia e pulea oe lava-ma ia i ou lalo mea uma lava, ae le o le tuuina atu o oe i lalo o ia mea-ina ia mafai ai ona e pulea au gaoioiga e fai-e le o oe o se pologa poo se tagata faigaluega, ae o se tagata Eperu e sa’oloto moni-ua e ulufale atu i totonu o mea e tele ma le sa’olotoga o le fanau a le Atua-o Ia lea o loo tula’i i luga a’e o le taimi nei-ma tilotilo atu i le faavavau, o ia lea na te mafai ona vaaia i lona mata tauagavale le fesuiaiga o mea-faatasi ai ma mea sa’o o i le Lagi-ma o ia lea na te aumaia mea e mavae mo lo latou manuia-tusa lava pe ua uma ona faapa’iaina e le Atua ina ia faapea ona fai-ma ona tofi-le Matua o faiva, ia latou te lei tuua se mea o Lana Foafoga- e aunoa ma se faamoemoe ma se taunuuga!