Tulafono Tau Faaofi na Tagofia i le Tulaga Faanatinati

48 Hits

O le toe tauaofia ai o le Palemene i lana fonotaga lona lua o lenei tausaga (Mati 2018), e lima ni Tulafono Tau Faaofi na faaofia i le tulaga faanatinati.

E pei ona ripotia mai le Palemene,  E fa(4) Tulafono Tau Faaofi na faaofi e le Minisita mo Tupe Maua, ae tasi na faaofi e le Minisita o Aoga, Taaloga ma Aganuu.

Tulafono Tau Faaofi o Teuteuga o le Tulafono o Fua Faatatau o Lafoga o Oloa e Gaosia i le Atunuu 2018.

Ua aiaia i lenei Tulafono le teuteuga o fua faatatau o lafoga (%) o nisi o Oloa e gaosia i le atunuu. 2. Tulafono Tau Faaofi o Teuteuga o le Tulafono o le Fetufaaiga o Faamatalaga tau Lafoga 2018.

O lenei Tulafono Tau Faaofi, o le a teuteu ai le Tulafono o le Fetufaaiga o Faamatalaga Tau Lafoga 2012 (Tulafono Autu).

O sini o le Tulafono Tau Faaofi, o le faatinoina lea o noataga faava-o-Malo a Samoa i lalo o le Fetufaaiga i se Faiga

Aupito Vave o Faamatalaga Tau Teugatupe o Mataupu Tau Lafoga

3. Tulafono Tau Faaofi o Teuteuga o le Tulafono o le Faasologa o Tiute 2018:

Ua faia lenei Teuteuga mo le teuteuina o le Faamatalaga Muamua o le Tulafono o le Faasologa o Tiute 1975 (Tulafono Autu) e ala i le suia o fua faatatau o tiute o oloa faaulufale mai mo nisi o oloa i fua faatatau fou.

E tolu vaega e aofia i lea siitaga o tuite, o le mamoe tuuaisa – 20%, o le pusamoa – 10%

ma le siusiu pipi – 20%.

4. Tulafono Tau Faaofi o Teuteuga o le Tulafono o Fua Faatatau o Lafoga o Oloa

e Gaosia i le Atunuu (Nu. 2) 2018: Ua taumafai lenei Tulafono Tau Faaofi e teuteu le Faamatalaga o le Tulafono o le Fua Faatatau o Lafoga o Oloa e Gaosia i le

Atunuu 1984 e ala i le suia o fua faatatau o tiute mo nisi meataitasi faatasi ai ma fua

faatatau fou o tiute o oloa.

O sini o lenei Tulafono Tau Faaofi:- • O le siitia lea o fua faatatau o lafoga o oloa

e gaosia i le atunuu mo sipili ua gaosia i le atunuu e 100% mai le tau faaee atu o le fua faatatau o lafoga o oloa e gaosia i le atunuu o lo o iai nei, i le maea ai o le iloiloga o tupe maua a le Malo i le 2016; ma • Ia faatupulaia ai le aofaiga mo ava malosi uma i le 40%.

O le agaga na fausia ai le Teuteuga, ona o le tulai soo mai o faalavelave e aafia ai le soifua o le atunuu e afua mai i le taumafa ‘ava malosi (fagu malosi) e gaosia mai le sipili. O faamaumauga a le Matagaluega o Leoleo, e silia i le 60% o ia faalavelave, e mafua mai ia i latou e tauamafaina lea ituaiga ‘ava malosi. O le mafuaaga lea o le siitia i le 100% o le fua faatatau o lafoga mo ia ituaiga oloa e gaosia i le atunuu, tusa lea ma le $36.80 i le lita ua siitia ai mai le $19.30 sa iai muamua. O le agaga maualuga, o le tau faatonutonuina o faalavelave e aafia ai le soifua o le atunuu.

5. Tulafono Tau Faaofi o le Ofisa o Taaloga a le Pasefika 2018.

O lenei Tulafono Tau Faaofi o le a faavaeina ai le Ofisa o Taaloga a le Pasefika lea o le a nafa ma le faafoeina ma le puleaina o Taaloga a le Pasefika i le tausaga 2019. O le a aiaia ai foi mo nisi mataupu e ono tulai mai i Taaloga a le Pasefika 2019. O le Ofisa o le a faatuina, o le a aiaia ai foi ma ana galuega tauave ma malosiaga. O le a faavaeina ai foi le Komiti Faatonu o Pulega ma le Komiti Faafoe ma a latou matafaioi ma malosiaga.

Ua aiaia ai foi le tuusaunoa o lafoga ma tiute e faasino i Taaloga a le Pasefika.

© Samoa Observer 2016

Developed by Samoa Observer in Apia