O loo mumū lava le Faatafuga i Tafa’igata

03 July 2016, 12:00AM

E ese ai mai faaupuga a le Pulega o Afi ma Auaunaga Tau Faalavelave Faafuase’i e faapea ua uma ona titina se afi i le faatafuga i Tafa’igata, ae o ananafi na auina mai ai e se tasi o le atunuu lautele ni ata i le Sunday Samoan faatasi ai ma se tusi.

Fai mai lona faitauina: “Sa matou toē i le asō a’o matou faitauina le tusitusiga e uiga i le faatafuga i Tafa’igata, i totonu o le Observer, aemaise ai lava le vaega lea o loo ta’ua ai  e faapea “ua pe le afi,” ma ta’ua ai foi “ ua faaitiitia le asu.” Sa pu’e ni ata  i le faagasologa o ni aso se 3 (i le taeao o le Aso Tofi ma le taeao o le Aso To’ana’i).

E tusa ai ma la’u vaaiga-e le leai se foliga mai e faapea ua sui/poo ua faaitiitia, ma ua leva ona mumū saesae i le faagasologa atoa o aso e tolu.  Ou te le mana’o foi e amata ona mafaufau i vaega tau le manogi o le afi lea o loo pua’ina mai pea i le faatafuga.

Ua ‘ou matua lagona le faanoanoa mo tagata uma o nonofo i lea vaega eleele ia o loo feula atu i ai lenei asu oona! Faamanuia atu le Aso Sa ia te outou uma lava 

03 July 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>