Ia ola finafinau i galuega lelei

Tusia Vatapuia Maiava ma Ilia L Likou ,

125 Hits

Lauvao Kelimete o Satitoa.

Lauvao Kelimete o Satitoa. (Photo: Vatapuia Maiava )

“Sa o matou i gatai i le ‘a’ai i le vaega tonu lea na ‘a’afia i le galulolo, ma o le mafu’aga lea o le si’itia mai ai iinei ona ‘a’afiaga sa feagai ai.” Le tamā i a Lauvao Kelemete, 51 le matua o le soifua o Satitoa, Aleipata i le fa’atalatalanoaga ma le Fofoga o Samoa i le aso ananafi.

 “Ia o la’u ia ta’utinoga ua sili mamao uta nei nai lo le nofoaga i le ‘a’ai lea sa i ai muamua le aiga.

 “O a’u o se faifa’ato’aga ma e fua la’u gaioi i le aofa’iga o le aiga o lo’o i ai i le taimi lenei.

 “O lenei fa’ato’aga, ia e 50 le eka o lo’o kavaina ai ma ua silia ma le 30 tausaga talu ona ou faia lenei galuega.

 “Ia o se tupe tele o lo’o maua mai ai, o le taimi lenei ia o le fa’ato’aga lava ma nai manu papalagi lea o lo’o taumafai atu ai le aiga i le taimi lenei.

 “Ia o si o matou aiga e na’o le to’atasi le atali’i o lo’o faigaluega, ia ma le fanau laiti o lo’o fa’aauau pea aoga, ia ma o le fa’ato’aga fo’i lea e fai aoga ma le tele o le mau fa’alavelave.

 “O le galue malosi lava, aua o la’u ia molimau, ia a le afu ia ua outou silafia ma ou iloa lona taunu’uga.

“O lo’u ia iloa i ai ia ua si’isi’i lava i luga le tau o le soifuaga o lo’o ua i ai i le taimi lenei.

 “Ae a le galue le tagata ma fa’amaoni ia o le a tele se ‘a’afiaga o le aiga , ae o Samoa o lo’o solosolo lelei le tele o vaega, o le paie lava e mafua ai ona matitiva.

 “E pei o lo’o fa’alagolago le tele o le tupe maua pe ā finafinau pea i ai. E faigofie lava, a le maua se galuega e tausi ai le aiga, ia sau e gagau le vao ma fai le ma’umaga.

 “E leai se mativa pe ā fa’aaoga ma le tatau le palapala ma le ‘ele’ele.

 “E faigofie lava le ma’umaga o le manatu mamafa fua i ai e ala ai ona faigata.

 

 

 

 

 

 

 

 

 

 

 

 

 “Ia aua o le tele o faifa’ato’aga e le mana’omia se fa’alelei palapala ae o lo’u ia iloa i ai e aoga tele.

 “O le tele o fa’afitauli o lo’o feagai ai nei ia o mea masani lava, ae o lo’u iloa i ia o le olaga lava lenā o le Samoa latou ia o le tautua, nu’u, ekalesia ma aiga.

 “Ia o isi fo’i ua tele i a faitio ae ua leai ni galuega e faia…ia ae o lo’o sologa lelei mea uma i tua nei.

© Samoa Observer 2016

Developed by Samoa Observer in Apia