Ua tuuina atu e le L.T.A. se aso faaopoopo

Tusia Ilia L Likou ma Faaliliu e Seagaitumua Tupuola ,

171 Hits

I le lotoā a le LTA ananafi.

I le lotoā a le LTA ananafi.

O e ou taavale mo pisinisi-e aofia ai taavale la’upasese ma pasi-ua uma ona tuuina atu i ai se aso faaopoopo e laisene ai a latou taavale.O lea aso faaopoopo-o le asō lea, e tusa ai ma le Ofisa Sili o Pulega o le Pulega o Fela’uaiga i le Laueleele (L.T.A.) o Leasi Vainalepa Galuvao. 

O le aso mulimuli e laisene ai o ananafi lea.

Ae i le taimi na manava ai galuega, sa tumau pea ona tele taavale sa laina i fafo ane o le ofisa o le L.T.A. “E masani lava ona fiafia tagata e faatali se’ia o’o i le minute mulimuli,” o le faaaliga lea a Leasi.

 “O se faafitauli lenei e tulai mai pea. O i latou e ou nei taavale e le tatau ona faatali se’ia aulia le aso mulimuli e aumai ai a latou taavale e siaki.”

E tusa ai ma le Ofisa Sili o Pulega, sa matua tumu saisai le ofisa o le L.T.A.i nai aso ua mavae atu, faatasi ai ma le vevesi i le taimi mulimuli e resitala a latou taavale. “Ua uma ona matou tuuina atu ni talitupe faaopoopo e fesoasoani i ai e faato’a filemu ai laina uumi ma faafaigofie ai mea uma e le gata mo i latou ae ia faapea foi mo i matou,” o lana faaaliga lea. Sa faamanatu mai e Leasi e taua mo sui o tagata lautele ona ‘aua ne’i faatali se’ia o’o i le minute mulimuli. 

“Afai o au taaavale ua tatau ona siaki, faamolemole ‘aua e te faatali se’ia o’o i le minute mulimuli ona faatoa siaki lea o lau taavale.O lenei faiga e mafua ai ona uumi laina.” Ae mo le aso faaopoopo ua tuuina atu, fai mai Leasi o se tulaga lea e tatau ona fai. 

“E mafua ona e tele a tatou aso malolo i le amataga o lenei tausaga ma o le mea lea ua matou ofoina atu ai le isi aso faaopoopo taeao (o le asō lea) mo i latou e ou taavale e faamae’a ai le siakiina o a latou taavale ma i matou.” O totogi o Faasalaga e amata ona faatino i le Aso Gafua. 

“Ua matou tuuina atu lenei aso faaopoopo ma le faamoemoe maualuga e faapea o le isi a matou siakina o taavale o le a matua sili ona faigofie ma o le a tausi tagata uma i le taimi.”

O le siakiina muamua o Taavale a Pisinisi na faatino i le masina talu ai. 

O se tagata e ou se Taavale La’upasese, o Sione Vaitagutu mai Vaoala na ia viia le faaiuga a le L.T.A. “O se tala fou fiafia lenei mo i matou,” o lana faaaliga lea. 

“O se mea uiga ese mo Leasi le faailoa mai o le mea moni e faapea e anoano mea na fai i lenei tausaga.

“O lea ua toe amata a’oga, faalavelave faifai pe o aiga, mea faale-lotu ma le isi anoano.” 

© Samoa Observer 2016

Developed by Samoa Observer in Apia