E taua le galulue faatasi o aiga

Tusia Ilia L. Likou ma Fetalai Tuilulu’u ,

195 Hits

Tavita Amituanai.

Tavita Amituanai.

O le ola o se tasi o meaalofa sili ua ofaina i tagata, ma e ao ona tatou faatauaina, ma ia maua se mafutaga fiafia i o tatou lava tagata.

I le fa’atalatalanoaina ai o le tamā i a Tavita Amituanai ma le Fofoga o Samoa, na ia faailoa ai o se aiga e fealofani ma nofonofo atinae o se aiga manuia lea. 

“E pei o si o’u aiga, ma o le auala foi lea e manuia ai matou mea fai o le galulue faatasi”

“E toa tolu si o ma fanau faigaluega, ma loo matou nonofo  nei i Nuu Fou. O le ata vaaia foi lea o manuia ona tusa lava po le a le matutua i fea o tamaiti, o loo matou nonofo lava, ma manaomia pea lava le fesoasoaina a maua matua”

“E ave lava le faamuamua i manaoga o fanau, ma iai faatasi ma latou aua e talitonu e tele lava se aoga”

“Talu ai o aso nei ua faigata lava le olaga i totonu o aiga i le taugata le soifuaga, sa faaalia mai ai le manatu le tama Tavita “ e le na’o le fanau faigaluega e maua mai ai le tupe, ou te toaga lava e toto fa’i, aniani, kukama ma isi lava o fuala’au ‘aina e fa’aaoga ai le ele’ele e maua ai foi se isi fesoasoani.

“ou te iloa ma mautinoa, e to’atele  aiga o lo’o mafatia lava i le taugata le soifuaga tusa lava pe lelei le totogi o tamaiti, i mea tau fa’alavelave aiga, nu’u, ekalesia, ma le tele o isi vaega e mana’omia ai le fesoasoani.

“O lau ia fautuaga i le tele o matua e tatau lava ona faamuamua aiga.

Na ia fa’ailoa foi i totonu lava o lona aiga, e pulupulu lima fa’atasi ma e leai se tasi e tusiesea i le atina’eina o lo latou aiga.

“E faigofie ai mea uma, ma va’ai ai le fealofani ia ma maua ai le fiafia i aso uma.

“E i ai aso ua lelei e i ai foi aso ua le lelei, tele o isi taimi ua lava le faasoa, nisi foi o taimi ua lelava, a’e pei o le ala tonu foi na o le totō o kukama, anini ma nisi o fuala’au aina”

O le talitonuga o Tavita, o le fiafiaga lava ia o le aiga o lau filifiliga lea.

“Tele o taimi e nana lava le tele o mea e fai ma le le mautonu le mafaufau ae onosai lava e faailoa foliga fiafia i tamaiti ma e atagia mai foi, ina ia fai se suiga mai le tulag o loo iai.

“O le ola fiafia e afua mai i lou naunauta’iga ia fiafia, a maua e matua le fiafia e faapena foi ona maua le fanua le ola fiafia.

“E aoga lava le filifili e nonofo fa’atasi ma matua ma fa’amuamua le fanau aemaise le aiga.

O le naunauta’iga lava Tavita ia galulue fa’atasi e mama ai le avega

“O le fetufaa’i foi o le fesoasani foi lea o le isi i le isi.

“Ou te fautua lava i la’u fanau, o galuega e alu alu fa’amavae ae o le eleele e tumau lava ma e tatau ona faaoga lelei e totō ai le lumanai.

“E leai se aoga e tatou te nofonofo ai ma le fa’aaoga tatau le tomai ua maua e i matua i le fafoeina ma tausiga le aiga ae o loo safa sole olaga tatou fanau ma fanau a tatou fanau i le leiloa tausi aiga.

“O loo alulalu lava i luma le taugata o le soifuaga ma tatou te leiloa foi le aso a taeao ma ona taualumaga, mea lea ia nonofo mata’ala ma ia atamamai le fanau.

“O le olaga lava ia e amata mai totonu o aiga.

“ A lelei on a’oa’o le fanau ma faatonu i le soifuaga ua iai e manuia olaga, ia lelei amio, iloa alofa ma ia talafegai lelei le malamalama ma le olaga.

“O le galulue faatasi e mama ai se avega.

© Samoa Observer 2016

Developed by Samoa Observer in Apia