Ia ola finau - Pa'u Tavita

Tusia Ilia L Likou ,

54 Hits

Pa’u Tavita.

Pa’u Tavita.

O le maua ai o le fa’atalatalanoaga ma le Fofoga o Samoa i le aso ananafi o se itu na fa’ailoa e Pa’u Tavita le tatau ai lava lea ona maua le lototele i le olaga aua ua faigata le soifuaga.

Na ia fa’ailoa o lenei olaga o le taumafai lava ina ia fa’aaoga o so’o se taleni aua le aga’i atu ai le lumana’i.

“E pei o lea lava le tulaga o lo’o ua i ai le taimi lenei, e le faigofie ae o le taumafai pea ma taumafai o le a le taumateina lava le tulaga lelei e o’o i ai."

“Ua o tatou silafia lava le faigata o le soifuaga ua i ai ae a lelei lava le fa’asoa ia e leai lava se mea e popole ai fua."

Na ia ta’ua o se tulaga lelei tele le taumafai ai pea lea e fa’atonu nisi o tulaga aua le aga’i ai le lumana’i.

“E pei o lea lava lo’u ia iloa i ai, a taumafai lava e le taumateina le tele o vaega e mafai ona o tatou fa’atinoina aua le aga’i atu ai le lumana’i."

“Ua le faigofie lea aso i lea aso, ae o a taleni ma agava’a ia taumafai e  fa’aaoga tatau aua le lelei ai o aiga ma nu’u aemaise o afio’aga ta’itasi."

“Ia o lo’u aiga, o la’u fanau lava o lo’o ave ai le fa’amuamua ma e leai lava se matua e mana’o e fa’aletonu fanau."

‘E pei o lea lava le una’i le taimi lenei mo ma’ua matua o le taumafai lava lea e fa’atino o so’o se tulaga aua le aga’i ai le lumana’i."

“O a lava fo’i taumafaiga, ia o le tu’u lava i ai le malosi e lagona lava le lelava ae a alu ma le loto atoa e le taumateina le i’u lelei o taumafaiga uma."

“O se itu lelei tele lea mo a’u lava ia, ae o le taumafai lava aua se leleiga ma le aga’i atu ai le lumana’i."

© Samoa Observer 2016

Developed by Samoa Observer in Apia