Tau o le Suauu mo le Masina o Mati 2016

329 Hits

Ua faalauiloa mai e le Afioga i le Alii Palemia o ia foi o le Minisita o Tupe, le Afioga ia Tuilaepa Fatialofa Lupesoliai Sailele Malielegaoi, tau fou o le suauu e afua atu i le Aso 1 o Mati 2016.

Na saunoa le Afioga i le Alii Palemia o le a pa’u le tau o le penisini i le 11 sene, mai le $2.18 i le $2.07 sene i le lita; o le a pa’u le tiso i le 21 sene mai le $2.00 i le $1.79 sene i le lita; ma le karasini o le a pa’u i le 20 sene mai le $1.72 i le $1.52 sene i le lita. 

O le pa’u o le tau o le suauu ua atagia ai le pa’u maualalo o le tau o le suauu le famamaina.

O le pa’u i le tau o le suauu ua matua a’afia ai le tamaoaiga o Rusia. O se feagaiga i le va o Saudi Arabia, Rusia, Qatar ma Venezuela e taofi le toe gaosia o suauu ina ia siitia ai le tau o suauu ae peitai, e le’i suia tele ai le tau o suauu ma o lo’o faaauau pea le pa’u pea i lalo. 

 

Tau fou o le Suauu i Pamu Penisini: 1 – 31 Mati 2016

Penisini $2.07 i le lita

Tiso $1.79 i le lita

Karasini $1.52 i le lita

 

Afioga Tuilaepa Fatialofa Lupesoliai Sailele Malielegaoi 

Palemia/Minisita o Tupe

© Samoa Observer 2016

Developed by Samoa Observer in Apia