Toe Faafo’i mai taavale se!

LT
By Lanuola Tusani Tupufia, 29 March 2016

Ua uma ona auina atu se tusi faa-savali i Matagaluega uma ma Pisinisi a le Malo ina ia toe faafo’i atu taavale ia sa faaapga e Faipule ia ua le toe fo’i mai ma teu i fale taavale” – Tupaimatuna 

Iulai Lavea

O Minisita talu ai ma Minisita Lagolago ia sa faamanuiaina e ala i lo latou faaaogaina o taavale a le malo i le faagasologa o le paeaiga mulimuli a le Palemene talu ai-ua tatau ona latou toe faafo’i atu ia taavale i le taimi nei.

O le tulaga lena ua i ai nei e tusa ai ma le Ofisa Sili o Pulega o le Matagaluega o Tupe, o Tupa’imatua Iulai Lavea.

ADVERTISEMENT

Ua uma ona auina atu se tusi faasavali i Matagaluega uma lava ma Pisinisi a le Malo ina ia toe faafo’i atu taavale ia se faaaoga e Faipule ia ua le toe tulai mai, ma ia faafo’i atu e teu i fale taavale,” o le faaaliga lea a Tupa’i i le Samoa Observer.

Na te le’i faailoa mai pe fia ni piki’apu ma ni SUV’s ua uma ona faafo’i atu. E to’aiva Minisita Lagolago ia sa tuuina atu i ai taavale lelei o le ituaiga o le ‘hilux pickup” i le faagasologa o lea vaitaimi ua le o toe fo’i mai ina ua mavae le faiga-palota lautele.

E to’avalu Minisita o le Kapeneta e aofia ai ma le Ta’ita’i o le Itu Agai o Palusalue Faapo II, Sui Fofoga Fetalai o Agafili Patisela Eteuati ma le Sui Palemia muamua na latou maua le faamanuiaga o le faaaogaina lea o taavale o Toyota Prados.

Ina ua fesiligia e uiga i tuuaiga e faapea na lavea se pikiapu a le malo i se Minisita muamua mai Savaii i Savaii i le faagasologa o le palota, fai mai Tupa’i na te le iloa lea tulaga. 

Ae mo le taavale a le ta’ita’i muamua o le Itu Agai, sa faamalamalama e Tupa’i e faapea o lea taavale ua uma ona tuuina atu i le Matagaluega o Tupe. O loo fealua’i ai nei le Minisita fou o Tupe, o Sili Epa Tuioti. 

O lea taavale na tuuina atu i le Ta’ita’i o le Itu Agai ina ia tusa ai ma mea e agavaa i ai o ia i lalo o le tulafono ae le mo le itu vaega a le Tautua.”

LT
By Lanuola Tusani Tupufia, 29 March 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?