Aisea e totogi ai pili ole vai pe afai e fai ma pe?

TU
By Talimalie Uta, 16 August 2017

O lea le aoga e totogi ai pili vai pe afai e le ola i taimi uma?

Ole fesili lena sa fesiligia ai le fofoga o Samoa ele tama ia Ula Solomona ananafi 

Ua 75 tausaga ole tama ia Ula. Sa faaalia lona le fiafia ile faaletonu ole latou suavai i taimi uma

“Pau le faaletonu lea iai nei ole suavai, e malie tele aua sa maua le fesoasoani mai le koluse mumu e tauala mai i tane vai, ae pau sona lave e faamoemoe ile timu.

ADVERTISEMENT

“Ole matou paipa foi, a oo ina pe toeititi a atoa le masina o pe

“E oo foi i tane vai, olea le aoga e fai ai pe afai e faalagolago ile timu, lona uiga a le timu le tausaga atoa e maimau foi le taimi e fai la tane vai

“A pe la matou paipa, pau lava le auala ole asu vai mai i aiga ile aai, a leai ua matou o loa i gauta ile mea oloo pamu mai ai le vai e lau mai ai matou vai…

Sa faapea mai foi le tama, “Ua fai sina leva o matou talosaga ile matou e faatatau ile faafitauli lea ae lei tali mai, nao le koluse mumu lava sa fesoasoani mai e auala mai i tane vai ia. Ae pau na o lona lave e faalagolago tane vai ia ile timu e faatumu ai.

“Ae ole malo, e totogi lava matou pili vai ile tele o taimi ae e leo gaioi mai i latou e faaolaina matou vai… e tau gau ai foi ile tele o taimi…

Sa faalia le manatu o Solomona ole latou faifeau lava lea o lootu malosi e fesoasoani. O ia foi lea o loo gafa male sue fesoasoani solo e pei o taavale fuimu ale malae vaalele. E talosaga iai le faafeagaiga mo latou loli vai aua le lauina ole suavai.

“Ia avea lenei polokalame ole fofoga o Samoa e iloa ai foi ele malo ia fai se fuafuaga i nei tulaga faapea, aua e taua le vai mole ola.”

TU
By Talimalie Uta, 16 August 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?