Manaomia se galuega

UF
By Ulimasao Fata, 30 November 2017

I le tatou maitau I lenei vaitau o le soifuaga ua fai lava si taugata ae mo le tina ia Akenese Ieremia, 45 tausaga mai le afioaga o Nuú Fou, e sili atu galuega o loo feagai ma ia i lea aso ma lea aso.

O le tina ia Akenese Ieremia na maua atu e le Fofoga o Samoa i le aso ananafi ua amata ana galuega o le taeao i lona aiga.

Sa ia taua, e fai lava si faigata o le olaga o loo soifua ai i le taimi nei ona e leó iai sana galuega.

ADVERTISEMENT

“O au e 10 lau fanau, o le isi toalua o loo i Niu Sila. E toafitu tama ma tamaitai e toatolu.”

“O le itu faigata e manaomia taumafa aua si au fanau ae o lea e leai sau galuega e fesoasoani ai ia te au.”

“E naó le toatasi lava si ou atalii o loo fesoasoani tele lea I le tausiga o si o matou aiga ona naó ia lava e faigaluega i se tasi o kamaupani i totonu o le atunuu.”

“O le tele o taimi e aitalafu mai ai se tasi o faleoloa ma e le sili atu ma le $30 tala. A totogi la lou atalii I le faaiuga o le vaiaso ona totogi lea o le matou aitalafu.”

“Ananafi na leai se matou meaai, ona fai lea o le saka faí ma tunu le isalelu aua se meaai a si o matou aiga.”

“O le ala lea e faatagisia ai se fesoasoani mai se samaria agalelei e foai mai mo lo matou aiga.”

UF
By Ulimasao Fata, 30 November 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?