O le tulaga ese, ma le faatosina a Samoa

MK
By Mata'afa Keni Lesa, 02 July 2016

O se tasi o mea e sili ona uiga ese ia Samoa e faapea e ona mafai ona avea i tatou ma atunuu itiiti ae o loo i ai le tele o mea i mea e fiafia i ai ma galuega e masani ona fai. Poo le a lava le mea o loo e sailia-pe ose faala’ei’au faale-agaga, galuega e faamalosia ai poo se mea faigofie lava e malolo ai ma fiafia.

E leai se afaina pe a faapea atu e seāseā lava ona i ai se taimi faatiga i lenei atunuu mugā-la. E i ai lava i taimi uma se mea e tupu mai tatou te aafia uma ai, o se tulaga lelei lea, talu ai-e faasino lea i le tulaga ese ma le lanu i totonu o lo tatou atunuu. O nisi o nei sauniga ua loa tausaga o iinei ae o isi e le o ni mea fou. 

Fai la ma faata’ita’iga le sauniga tele tau taaloga o le vaiaso, le Taaloga Ta-Polo a le S.I.F.A. Samoa, lea sa faaauau mai pea i le tele o tausaga e aumai ai nisi o tagata ta-polo e sili ona lelei mai le lalolagi i Samoa nei. Talu mai le Aso Tofi, e latalata i le 70 tagata ta-polo faa-polofesa ma isi tagata ta-polo ua leva ona faafiafiaina  i le maoa’e o le tulaga lelei o le tau i le Malae Ta Polo i Fagalii, faaopoopo i ai ma le uiga ese o le tauvaga o lenei tausaga. Atonu e le agavaa Samoa ona avea ma nofoaga ta-polo uiga ese mo le lalolagi-ae o le tuputupu a’e o le Samoa Opena i le tele o tausaga ua faailoa mai ai ia i tatou e faapea o se tauvaga lea e tatau ona ati a’e. 

E ese ai mai lena, afai o tagata o loo tatou faalogo ai mai tagata taaalo ma e pulea le taaloga-e uiga i le tulaga ese o lea tauvaga, e i ai la le mafuaga e tatau  ai ona toe tuuina atu i ai ni tupe se tele ma ni alamanuia i totonu o ia tauvaga.  Ua matou fai atu faapena ona o taaloga tau turisi o se mea lea mo Samoa e tatau ona suesueina ma ati a’e.  Fai la le taaloga ta-polo ma faata’ita’iga. I isi lava atunuu lea e fa ona vaitau i se tausaga, o loo i ai se taimi faatapulaaina  e mafai ai ona taaalo se tasi. E le faapena Samoa nei. E pei ona o le a faailoa atu e tagata ta-polo uma ia te outou, o se atunuu lenei e mafai ona e taalo ai i le tausaga atoa. O lona uiga-e leai se mafuaga e le tatau ai ona tatou le maua se taimi e sili atu i lo le tasi o se tauvaga tele i se tausaga, e faatosina mai ai tagata ta-polo mo sina vaega o le la ma le oneone.

O le mea uiga ese i nei tauvaga e le taua poo ai e manumalo.  Ua lelei-atonu e ese ai se manatu o tagata tauva finau. Ae mo le vaega toatele o i latou,  o le fefaatuatuaa’i ma le mafuta faale-uo lea ma fesootaiga ia o loo ati ae-e sili ona taua.  . 

ADVERTISEMENT

E faasino i le talimalo i tagata asiasi mai ma le fai o i latou ia latou lagona o loo talia lelei i latou-ma o le a faigata ona latou faatali i le taimi e toe taliu atu ai i o latou atunuu na tau atu i tagata uma Samoa. O le pogai lea matou te talitonu ai-e tatau i le malo ma pulega tonu e aafia ai ona tuuin atu se isi faamamafa i le atiina a’e o nei taaloga. Ma e le tatau foi ona faapito i le ta-polo.

Ua ia i tatou se vasa uiga ese ma taaloga tau le vai e pei o le tauvaga lauiloa o Fagotaga lea e fai i tausaga uma.  Talu ai nei sa fai ai le tauvaga tau kirikiiti a le ‘aumatutua i Tuana’imato. O le isi lena faata’ita’iga o le faiga e mafai ai e nei taaloga ona faatosina mai le toatele o tagata i Samoa.. Sa fai le tatou malafoni, taaloga lu’itau faa-irona ma, taufetuliga i luga o mauga ma tuuga uila vilivae i le salafa o le atunuu e aofia ai ma Savaii. O ni faiga uiga ese ia e faatosina mai ai tagata asiasi i lo tatou atunuu.

Ma-ia ‘aua nei galo ia i tatou le Savaii Crossing Challenge talu ai nei a le Pualele Outrigger Canoeina Club. Ma le anoano o isi lava taaloga sa faamaopoopo i totonu o le atunuu –tusa lava pe o ni taaloga, mea faale-lotu, tusiga-ata, mea tau aoaoga poo le a lava. O nei mea e le o ni nai taaloga. O taaloga nei faatasi ai ma se talosaga a le lalolagi ma e le motusia ona uiga taua e faatosina mai ai ituaiga eseese o turisi.

.O Turisi, aemaise ai lava tagata ia e naunau i nei taaloga, o le a latou totogiina le tele o talā e o mai ai pe afai e lelei ona faamaopoopo faatasi ai ma ni fuafuaga ma soo se mea o ia te oe ina ia mautinoa ai lo latou nonofo ina ia faafiafiaina ma manatua pea. O lea la ua faamanatu mai ai ia i tatou se mea na faaalia e le Minisita o Turisi o Lautafi Fio Purcello i le amataga o lenei tausaga ina ua na tauaveina lea matafaioi.  

Toe faafofoga mai foi: “O le lu’itau mo ai mo le isi lima tausaga, pe faapefea ona tatou faagasolo i luma i lenei atiina a’e,” o lana faaaliga lea. 

 “Ou te talitonu tatou te le’i ‘ausia le tulaga e tatau ona tatou ‘ausia i totonu o le alamanuia tau turisi. O le mea lena matou te mana’omia. “E tatau ona tatou mafaufau i ni ala ese ina ia mafai ai ona tatou ‘ausia le tulaga mautu o Samoa i le avea ma taunuuga e le gata mo turisi e asiasi mo ni nai aso ae o le matua nofoi totonu o Samoa mo se vaitaimi umi ma faaalu ana tupe i totonu o Samoa. O se manatu uiga ese Lautafi. Ia tatou faasaga la’ia e sailia ia avanoa uma. Ma o se tasi o ala e sili ona lelei mo le agai i luma o le tuuin atu lea i turisi o mafuaga moni e sau ai i Samoa, e pei o taaloga latou te le manana’o e misia.  O le fuafuaga faigofie  e faapea a tatou tuuina atu ia i latou se mafuaga e lava lana faatauanau-e sau ai i Samoa faatasi ai ma faiga sa’o ma faiga e lagolago a’i ua faatulaga, o le a latou o mai. 

Tamaitai e ma alii, o se mataupu lautele lenei-ae  a o fai le tatou malologa i le faaiuga o lenei vaiaso, o se mataupu lea e tatau ona saili pea i ai ma le faamoemoe ina ia vave ona faatino se gaoioiga ae le o le tuai. O lo matou mantu lena.  

Ia outou maua Samoa se faaiuga matagofie o le vaiaso ma ia faamanuia atu le Atua! 

MK
By Mata'afa Keni Lesa, 02 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?