Mana’omia se galuega

AL
By Aruna Lolani, 21 May 2017

O le leai o ni avanoa faigaluega o se tasi lea o mataupu tele i totonu o Samoa. E le’o na’o tamā e maua ai nei tulaga, o tinā foi o lo’o mana’omia ni galuega faigaluega mo le fanau. 

O le maua ai o le fa’atalatalanoaga le Fofoga o Samoa ma Aiga Malama o Fasito’o sa ia fa’ailoa ai lona fia faigaluega mo le lumana’i o lana fanau. 

“E le pei nisi o galuega e lelei totogi ae o le galuega foi e maua ai le seleni.

“Ia o Apia foi le nu’u o le galuega o nisi o taimi e le mafai ai ona ou sau le fale ona o le faigata o auala-femalagaina. 

“O le olaga nei o le tupe lava e mana’omia ma o le ala foi lea o le fa’amoemoe su’e galuega ona o nei tulaga. 

“Ia o le itu masani lava na’o le taimi lava e totogi ai e u’u ai le tupe o le upu i se isi  aso e aulia atu e le totogi ia e matua’i leai se tulaga fa’apena.

ADVERTISEMENT

“Ia afai la ae tu’u mai ai ma le mau fa’alavelave, o mea fai totonu o nu’u ma isi tulaga fo’i ia ia na talanoa loa lea i le fa’atinoina o nonogatupe.

 “E le fa’apea la a fai nonogatupe nei ona fa’apea lea e totogi le vaiaso lea uma ai lava, e leai se mea fa’apena.

 “Aua o le tala moni lava e na’o le pau lea o le sulufaiga o lo’o i ai le taimi lenei i lo’u ia iloa i ai.

 “Ae o le mea moni e matua’i le lelei tele lea tulaga pe a va’ava’ai atu ai le lumana’i.

“O lea tonu lava le fa’amoemoe ina ia maua se galuega aua lava le fanau ia aemaise lava le tausiga o aiga. 

 “E pei lava e tele ina fai mai le Palemia o lo’o tele $ i le ele’ele, ia ae le fa’apea e faigofie e te le alu atu loa ua paepae mai $ o le mea e tatau ona e galue i le taimi lenei.

“Ae pei o le itu lea e va’ai atu ai e pei e titilo tele i le tulaga fo’i lele na’o e faipine ma aiga mauoa ae galo ai i matou.

“E silasila na’o e lelei le tulaga ta’u a’oa’oina ma ave ai avanoa faigaluega ae fa’atuatuana’i lava le tele o nai isi tagata.

AL
By Aruna Lolani, 21 May 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?