O le taugata o le soifuaga

AL
By Aruna Lolani, 12 September 2017

O le a ea le olaga o lea tatou maua i le lumana’i pe a fai e aga’i ai pea i luma le tau o le tatou soifuaga?

O se fesili lea sa fa’aalia i le saunoaga a se tasi o tamā mai Tanumapua e suafa ia Sione Siaki. E 62 le matua o lona soifua. 

O se manatu fa’aalia a Sione sa ta’ua o le taugata tele o le soifuaga ua iai nei.

“E tatou te taumafai pea e aua le mafaufau tele i le soifuaga ua iai nei ae peita’i; i le tele o mea fai ua alu ai nei le seleni, e iai lava le to’atele ua fa’asea i lea mataupu,” o lana tala mai lea.

ADVERTISEMENT

“O a’u e to’atolu la’u fanau ae na’o le tasi o lo’o faigaluega nei ae o isi o lo’o fa’auma a’oa’oga.

“E le mafai e se tagata e to’atasi ona fai uma mea o le aiga. E le mafai fo’i e se tagata faigaluega e to’atasi ona fai uma mea e tatau ona fa’aalu ai le seleni i lenei vaitaimi aua fo’i ua taugata.

“Ua vave le aga’i i luga o le soifuaga ae ua le gafatia e tagata le tele o mea ua saputu mai lenei vaitaimi.

“E le gata e totogi le aoga a tamaiti, totogi le faiga o mea’ai aemaise le totogiina o pili ma isi mea fa’apena.

“O le mea lea ua ou va’ai atu iai, a u’u le $100 e le atoa se vaiaso o fa’aaoga. O le matua vave ona uma aua e tele mea fai i totonu o le aiga.

“Ae o le lelei a o nai Saina ma latou pisinisi lea e maua ai se auala foi lea e faigofie ma taugofie mo tatou.

“Aua a e alu atu i pisinisi a Samoa, ia o le tele a o oloa e taugata.”

AL
By Aruna Lolani, 12 September 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?