Fa’afitauli o lo’o feagai ma se tinā

DF
By Deidre Fanene, 13 June 2018

O se olaga faigata le leai o se galuega, ma e silafia lelei lava e Elena Peniamina lea itu.

O Elena o se tina e toaono lana fanau, mai le afioaga o Matautu Lefaga, ma e le faigaluega 

E tele lava faafitauli o loo feagai ma lenei tina ae o le itu e pitosili ona popole ai o le tausiga lea o lana fanau.

O lenei aiga e nonofo i se fale e lei mae’a ona fausiaina, o le fale le ta’ua o loo latou fa’aaogaina e leai se soifua maloloina e maua ai ma e leai foi se suavai.

E tele foi fuafuaga a Elena mo lona aiga ae peitai o le itu tau seleni o se itu lea ua mafatia tele ai lenei tina.

O lona toalua e lei leva ona ritaea mai i galuega faakamuta ma o le taimi lenei o loo faalagolago lenei aiga i le faatoaga mo lo latou olataga i aso uma.

Ae ui i le moemiti ai o lenei tina ina ia maua sana galuega e tausi ai lona aiga, ae peitai e faigata foi ona e leai se isi e nofo e vaai lana fanau.

ADVERTISEMENT

Ua sefulumalelua nei tausaga talu ona nonofo lenei aiga i Matautu, Lefaga, ae o le amataga o le tausaga lenei sa siitia ai i le isi latou fanua, ma ua avea ma itu ua atili faigata ai le olaga.

I le faatalatalanoaga a lenei tina ma le vaega o le Fofoga o Samoa sa ia taua ai o lona manaoga tele lava o le fia maua lea o se nofoaga lelei ma maloloina mo lana fanau.

“O lea e fuafua e fai se matou fale fou, o meaafale uma lava ia sa iai i le matou fale muamua ua tala uma i lalo ma o lea ua fausiaina ai le matou fale lea matou te nonofo ai i le taimi nei.

“O lea ua toe amata mai le atinaeina o le matou aiga, ma o le mafuaaga lea ua ala ai faapea foliga o le matou fale.

“O le afa o le taualuga o le matou fale e faaaoga ai pola ae o le isi afa e faaaoga ai apa e ato ai.

“E nao le pau lava lea o le mafai ua iai ma o le ala lea e matou taumafai ai lava e fausiaina I mea ua maua i matou lima i lenei taimi.

“E toaono lau fanau ma o le toafa o latou e aooga uma ao le isi toalua e nonofo i le fale, ae ui i faafitauli o loo feagai ma matou, e matou te galulue lava i le faatoaga ona e nao le pau lea o le itu lea e maua mai ai matou meaai ma nai tupe foi.

“O le faatoaga lenei o lea e fesoasoani tele i le faaaoogaina o si ma fanau ma maua ai foi meaai e aai ai i lea aso ma lea aso.

“E le’o se tulaga faigofie lenei olaga ae taumafai pea.”

Afai e te fia fesoasoani ia Elena faafesootai le numera 7270577.

DF
By Deidre Fanene, 13 June 2018

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?