Fa’aleleiga a le Afio’aga o Saletele i Anoama’a

13 January 2016

O le Aso Faraile, 01 o Ianuari 2016, na fa’ataunu’uina ai le fa’aleleiga a le afioaga o Saletele, ua sefulu tausaga talu ona va o le fogava’a. Peitai, o lea ua taunu’u atu Saletele i se taunu’uga lelei, ua tasi ai le faiga-nu’u, tasi fo’i le itumalo e fai-itumalo uma ai le afioaga, o le itumalo o le Anoama’a. 

ADVERTISEMENT

Polokalame o le aso.

Na muamua lava feiloa’i itu-ga-lua, feofofoa’i ai le tofā ma le fa’autaga ma tasi ai loa le tofa ma le moe i le afio o Sefa’atauemaga ma Aiga, le afio o Alala-maota ma le Usoali’i fa’apea le mamalu i tagata o le Tuiatua, ua fealofani ma lelei le nu’u o Saletele.

Na mae’a le feiloaiga, ona soso’o loa lea ma le sauniga-lotu sa fa’atasia uma ai Fa’afeagaiga-taulagi a le falelua o Saletele ma Sauano, o Fesoasoani Katoliko i Saletele ae sa taitai le sauniga e le Susuga a le Fa’afeagaiga o le EFKS i Sauano faapea le Susuga a le Peresetene o le Ekalesia Mamona.

Sa faatasi ai foi ma le pai’a o le Falefitu, i Aiga Sa-Fenunuivao ma Sa-Alai’asa ma Aloali’i fa’apea le Tofa a le Matua o Moe’ono ma le Aai o Fonoti ae le gata i lea, o faletua ma tausi, sa’oao ma aumaga faapea alo ma fanau o le afioaga o Saletele, na matua faatumulia ai le Maota i Lalovi, na faataunu’uina ai lenei sauniga, ma faai’u ai lea aso i fa’aaloaloga faaleAganu’u masani i aso fa’apenei, aua le ‘Aufaigaluega-Paia a Le Atuafa’apea le Itumalo na latou molimauina lea fa’amoemoe taua.

13 January 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?