Ia ou pei o Joseph Parker!

VM
By Vatapuia Maiava, 20 December 2016

O le avea ai ma siamupini o le lalolagi o se miti lea a le ali’i talavou i a Malu Malisi mo le lumana’i i a Joseph.

I le fa’atalatalanoaga ai ma Malu o Faleula i le aso ananafi, na ia fa’ailoa ua tele se lesona ua ia mauaina mai e le gata i a Parker ae o Tua fo’i i lona olaga i lenei taimi.

“I a te a’u lava ia o se agaga fa’afetai lea mo le tele o nai o tatou tagata ae o se una’i taua mo nai o tatou tupulaga talavou i le taimi lenei.

“O a’u sa ou le fiafia lava ou te fusu ae ina ua ou va’ai atu ia Parker ma lona ola finafinau i le ta’aloga ma le fa’aeaian lea ua i ai.

“Ona ou fa’apea ane la’ia, aisea e mafaia ai e Parker ae ou te le mafaia?

“O le taimi lenei o lo’o o’u tatalo pea lava, ia ae lea ua uma tatalo , ou te iloa e le na’o le tatalo ae tatau ona ou tu i luga ma fa’atino.

“Aua e le fa’apea na’o le tatalo ma moe, ae o le tatalo ma galue.

ADVERTISEMENT

“Aemaise ai lava le tulaga o Parker ia o le tamaititi Faleula, ia ou te mana’o la ou te soso’oa Parker.

Na ia fa’ailoa i le Fofoga o Samo le agaga fa’afetai ona o le fa’aea atunu’u o La’auli.

“I a te a’u lava ia , ia o lea ua ou sauni atu le tausaga fou mo le fa’amoemoe lenei.

“O le a ou taumafai ou te alu ou te koleni lelei ma fa’atino nisi o galuega aua lava lo’u fa’amoemoe lea ua i ai.

“Ou te ta’utino e le toe suia lo’u fa’amoemoe lea ua i ai le taimi lenei ma ou o le a ou taumafai i le mea e gata ai lo’u malosi.

O a nisi o gaioiga o le a e fa’aaogaina mai i a Parker.

“Ia o gaioiga masani lava e pei ona maitauina i a Parker i luga o le tv, o le vave o le alo, o le sikepu i tua ma luma, o le taumafai e va’ai sa’o i mata o la’u paga.

“Ae pei o le itu e pito sili ona taua o le taumafai lea e minoi i taimi umi ia ma to’aga e koleni ma fai mea uma o lo’o ua fa’atonuina mai ai e le faiaoga.

“O lea le tulaga manuia o lo’o ua taumafai ai nei e fai.

VM
By Vatapuia Maiava, 20 December 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?