Tuli’aupu fa’amoemoega o se A’oga

By Maiava 19 April 2016, 12:00AM

O se aso vevesi tele le Aso Faraile talu ai mo le tama’ita’i o Suefa’i Siaki.

Muamua, sa ‘auai i le fa’au’uga a le Kolisi o Pesega, (a le Ekalesia A Iesu Keriso o le ‘Au Pa’ia e Gata Ai) lea na avea ai ma peresetene o le vasega fa’au’u.

Mae’a lena, ae alo ane i le fa’amaopopoga o le sa’iliga-seleni, o se vaega o polokalame amata a le Ekalesia mo le atina’eina o a’oa’oga.

“A le mafai ona fa’atino o le su’ega-tupe i le taimi lenei, e leai lava se mea e mafaia,” o lana fa’aaliga lea i le sui o le Samoa Observer.  

 “E mo’omia lava le tu-malosi i sa’iliga-tupe nei, e fuafua e fesoasoani ai i tamaiti-a’oga o le matou vasega i le mata’upu tau-pisinisi. O le tupe e maua o le a fa’aaoga mo nai mea taua lava matou te mo’omia, e pei o se toniga fou.” 

Le toniga fou lea o lo’o fa’amoemoe fo’i tamaiti-a’oga e fa’aaoga mo se malaga o lo’o ta’uta’u e alu i Amerika Samoa, lea fo’i e fa’amoemoe e fa’aaoga iai le tupe o le a maua. 

O le malaga lea o lo’o fuafua mo le masina o Me ma e aofia ai tamaiti-a’oga uma i le vasega lea – fa’aPisinisi  ma ua fuafua fo’i e fetufaa’i ai i tulaga fa’aleAganu’u. 

 “O lo’o taumafai i a matou tamaiti-a’oga ina ia ‘aua le ola-fa’alagolago a ia lava-taoso ma fa’atuatua ia latou lava,” o le fa’aaliga lea a Fesoua’ina Matalavea, le faia’oga o mata’upu tauKomepiuta a le Kolisi. 

“O le ‘auala fo’i lea o le a una’ia ai tamaiti ua le-fa’amanuiaina ma mae’a lelei a’oga, i ‘auala ‘ese’ese e  fa’atino ai so latou sao aoga aua aiga, nu’u ma ekalesia ma avea ai latou ma tagata-faigaluega mo le atunu’u. O le ‘autu lena o le matou fesoasoani o lo’o faia nei.”

By Maiava 19 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>