Taugata le tau o le soifuaga

By Vatapuia Maiava 20 December 2016, 12:00AM

“Ia ua tele lava le taugata o le tau o le soifuaga o lo’o ua i ai nei si o tatou atunu’u.” Fuisami Lomiga, 42 le matua o le soifua o Malie.

O lona talitonuga e ui ina tele le mau oloa o lo’o ua i ai nei, ia ae o lo’o i ai lava ma le tele o vaega taugata o lo’o ua mautinoa lona pagatia o lo’o ua i ai le taimi lenei.

“E pei o nei suiga uma ia e sau fa’atasi lava ma le taugata o le soifuaga, ma o le mea mautinoa ia o lenei Kirismasi ia e sau fa’atasi lava fo’i ma le mau fa’alavelave latou ia.

“Ia o le olaga lava ia a le Samoa, o fa’alavelave lava, ia ae paga lea , e leai se mea e mafai ona o tatou aloe se mai ai ona o vaega o le aganu’u sa sau a’i.

“O le fa’ai’uga o tausaga uma ia e le gata ina alo atu le Kirisimasi ae uma ane ia ua leai se tupe i le taga, ae ou te iloa lava e a’u ia, ia o le mea lava ua o’o ai le mafai ia fai.

“E toe fai fo’i isi fa’alavelave taeoa ma ona talatu, ae o le ave o le fa’amuamua i le aiga o le itu e pito  sili  lea ona taua i le taimi lenei I lo’u iloa I ai.

Na ia fa’ailoa i le Fofoga o Samoa o lo’o sologa lelei lava tapenaga mo le Kirisimasi.

“Ia o le agaga lava ia o lenei vaitau o le fiafia, aua  fo’i le fa’amamafaina le tele o vaega ina ne’i avea ma fa’atupu ma’i i le tele o nai o tatou tagata ae ao lava ona faifailemu.

“Aua fo’i le so’ona ano tele i ai, ina ne’i pisa ai fo’i ia on a galo lea o le auga o nei aso fiafia o lo’o ua tatou i ai.

“O le mea e pito sili ona  taua ia o tatou talia fa’atasi le pepe o le Kirisimasi. “O le Kirismasi ma le tausaga fou ia o le fa’afetai ma le loto fa’amagalo, i e o lo’o fai i tatou ma o latou fili. “Ia e fa’apena fo’i ui a i tatou, o le loto fefa’amagaloa’i le mea e pito sili ona taua. “O se o matou aiga, ia o le nonofo lava i le fale ma sauna lelei e talia le pepe o le afio mai, ia ma inu sina fagu a le toeaina.

“Ia ona toe fo’i lea i feau ma galuega o le Tausaga Fou o lo’o ua aloalo mai. “Ae tatou tau fai talosia ia le alofa o le Atua mea uma e manuia ai ma ia aua ne’i galo e ave le fa’amuamua le tausiga o aiga.

By Vatapuia Maiava 20 December 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>