Fa’amolemole e le’o se lapisi le vaipanoa lenei

AL
By Aruna Lolani, 17 June 2017

O le maua ai o le fa’atalatalanoaga ma Mailo Peteru sa ia fa’ailoa ai lona le fiafia tele i nisi o tagata ua fai ma masani le lafoia o lapisi autafa o auala i Leauva’a uta. 

“O a’u tua tumu lava le le fiafia i nisi o tagata ua lafoa’i lapisi i lenei vaipanoa o si o matou pitonu’u. 

“A tu’u se isi itu o le solitulafono lenei faiga. 

“Ia o a’u e nofo tonu lava fa’afesaga’i ma le vaega lenei, e tumu lava a’u le lē fiafia ona o nei faiga le alofa. 

“O le tala sa’o lava ou te leiloa po silafia e nei tagata e faia nei uiga o tagata ola foi o lo’o nonofo i lenei pitonu’u. 

“Ou te ta’utino atu foi o a’u o lo’o lavea i le komiti o  lo’o vaaia lenei pito nu’u. E fai sina ou ofo ona o le taimi e tauai ai lapisi aua o lo’o leoleo lava lenei avega i aso uma. 

“Masalo o se taimi o le tuleva o le po ia ae leiloa foi po le a tonu le taimi. 

Sa taua e lenei ali’i le afaina tele o nei tulaga i o latou pitonu’u. 

“Ia ua tele lava na alofaia lenei avega i nisi o ta’avale ma turisi ona o nei faiga. 

ADVERTISEMENT

“Aua pei ona tau mai le tou polokalame ma maua mai foi le manogi sei tulou lava le aoauli. 

“E le nofonofoia lava i nei le manogi aua o so’o se vaega lava ua lafo ai. 

“Taute fia nonofo uma lava i vaega mama ma vaega e lei ni lapisi, e fa’apena foi le augani atu o  si nei taule’ale’a. 

“O a’u e leai se galuega, ae o lo’o iai lo’u maumaga i luma nei le fale. 

“Ia ua avea lava le tulaga i le manogi ma faiga ua ou tau le galue ai. 

“O a’u foi e leai se fanau leai se to’alua, ae o lo’o iai le fanau laiti a si o’t tuafafine o lo’o matou nonofo fa’atasi nei. 

“E faigata lava na feaoi le fanau ona o le tulaga o lo’o iai le lapisi. 

“Ia o le tele lava o veaga o lo’o maua ai o, lavalava ma ofu, o nisi o pepa iila, ua pala fa’atasi ma meaola mate ma atili ain a leaga le manogi. 

Sa taua e Mailo le fia mana’omia tele o se fesoasoani. 

“E o’o mai le taimi nei o lo’o taumafai lava mo se auala e foia ai le fa’afitauli. 

“Ou te iloa foi o lo’o iai le Matagaluega o lo’o gata ma lenei vaega ina ia tagatagaa’i mai lenei fa’afitauli. 

“E avea ai a’u fai ma leo ma foga taumolimoli o si o matou nu’u ae maise le pitonu’u uta nei e talosagaina ai se fesoasaoni. 

AL
By Aruna Lolani, 17 June 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?