Manatu O Le Fa’atonu - Ia ‘aua ne’i o tatou lafoa’ina le Treesort

MK
By Mata'afa Keni Lesa, 26 July 2016

O le taunuuga faigata ma le mata’utia na o’o i ai se alii faipisinisi o Jack Batchelor o se mea lea e faanoanoa ai. Ma o le faitau atu i le tulaga afaina  o le faalauiloaina talu ai nei e uiga i lana pisinisi, o se itu lea ua faigata ona talia e tusa ma ia 

O le mea moni, ua matua avea lava o ia ma tagata ua matua afaina i le amio faatautala le-popoi a lenei tagata  o Tualima Lauitiiti-i le avea ma ulugalii Ausetalia na aafia ai-ma o isi tagata uma lava e aofia ma lenei atunuu -e peiseai ua taavilivili  i totonu o lenei gasu ua aafia ai tatou i aso nei. Ae ui o lea, o lea faalavelave, o se taunuuga lea sa faamoemoeina pe afai e malepelepe faaiga na fuafua e fai ai ia mautinoa le pule a le tulafono ma le tulaga solo lelei. Ae peitai-o lenei tusitusiga –e le o faasino ii a faiga. Matou te talitonu ua lava ma totoe mea ua uma ona matou laulau atu e tatau ona fai e le faigamalo e sui ai le tulaga o mea i le taimi nei-i se tulaga lelei.

I le asŏ, matou te fia faailoa atu se manatu mo Mr. Batchelor. Ma i le faaailoa atu o lea manatu, ia ‘aua nei galo ia i tatou –o ia tagata uma e faia fale talimalo mo turisi-ma pisinisi e faasino i le turisi-ia ua matua avea lava i latou ma tagata ua afaina- ona o le amio a se tagata e to’atasi. E aunoa ma se masalo- o se tasi lenei o tulaga aupito i faigata o lenei faalavelave. “O le a’ou ta’utino atu le mea sa’o ia te outou, o lenei faalavelave ua fasiotia ai la’u pisinisi,”o le faaaliga lea a Mr. Batchelor i le Sunday Samoan e ala i se tala sa faa-ulutalaina o “O Tagata Afaina ua Faagaloina” na lomia faasalalau i le itulau i luma o le Sunday Samoan. 

“Talu mai ona amatala le pisinisi a le Tree house, sa faatulagaina matou i le numera tasi i luga o le Trip Advisor; sa masani lava ona matou maua ni iloiloga a le five star. Ina ua mavae lena po, o toe iloiloga nei na faagasolo mai ma ona o lena iloiloga e tasi-o lea na matou pa’u ai i latou i le numera fitu,” “ O loo matou faasolo pea i lalo. Talu mai le mea muamua o le tausaga, e sili atu i le $73,000 avanoa na faatonu mai na faaleaogaina mo le Treesort; e le aofia ai lo’u fale’aiga.”

“O le mea moni lava ua faateleina pea malaga ua faaleaogaina i lenei tausaga i lo malaga na faatonu mai; ua le mafai lava ona matou faagasolo ma o se tulaga lea e le talafeagai ai ona e peiseai ua tuua’ia-o  i matou ua pogai ai.”

E sa’o a ia. Ae o loo i ai isi mea e sili atu e tusa ai ma lenei tala –i lo mea ua vaaia. Mo Mr. Batchelor, o le Tree House e le tutusa ma isi pisinisi. “Ua avea lenei mea ou te malolo litaea ai. Ua ‘ou tuuina atu mea sa ia te a’u i totonu o tupe faasaoina ona o le taimi muamua na ‘ou sau ai iinei, o la’u fale talimalo muamua na faaleagaina e le tsunami.  O le isi mea na tupu ia te a’u –o se tagata lea na ia gaoia se teugatupe faasao i atunuu mamao, e anoano le tupe. “O lo’u avanoa mulimuli o le ‘tree house’ma sa ‘ou teuina faafaigaluega mea uma i totonu o le tree house.

ADVERTISEMENT

 “Sa gasolo lelei mea uma se’ia o’o i le taimi o lenei tosoina faamalosi o se tamaitai; ma o lenei toso teina ua matua afaina ai a’u.” Matou te talia o manuia e mafai ona liua i se taimi vave ae o lenei alii na te manaomia lenei mea. E pei lava o le toatele o tagata, na faaalia e Mr. Batchelor lona alofa ia Angie Jackson ma lana tane ona o le mea na tupe i lea taeoa faatiga.  Ae ese lona manatu e uiga i fesili tau le malu puipuia i lona fanua, fai mai o Tualima o se ituaiga lea o tagata solitulafono e le mafai ona taofia.

Afai tou te silasila i le ‘tree house’, e 40 futu le maualuga mai le eleele. Na sau lea alii i le itula e 2 i le vaveao, a’o matua pogisa lava, ona ‘a’e lea i luga e ala i le talepe o ona vaega, ma mai le fola o le fogafale lua-na sau ai i lalo i fafo atu o le pou.O lea na amata ai ona ‘a’e i luga i le 40 futu mai le eleele ma faase’e ai i lalo i fafo i le 30 futu le maualuga mai le elele i le fogafale lua, ona ui atu ai lea i le mea e leai se tasi o talanoa ai, ma tatala le faitoto’a.” “E i ai a matou leoleo po pe a toatele a matou malo –i le fale o leoleo po i luga atu. 

 “O iina e taofi ai tagata mai le o mai i lalo ma ia tausi le leai o se pisa mo i latou i le taimi o le po-e i ai a matou loka i luga o faitoto’a uma ma e matua maualuga lava mai le eleele. 

E te faalogoina le ou a la’u ta’ifau i tua, e i ai a matou maile latou te lagona le leo ma ou loa; latou te le’i lagona se mea i lea po; e leai se mea e mafai ai ona taofia lenei tagata. 

 “Atonu na ‘a’e mai o ia i luga o soo se aupa e pei lava o isi fale talimalo; atonu sa alu atu faataamilo a’o leai se tasi o i ai ma oso i luga o le aupa. “E te o se aupa o le a avea lea ma faafitauli mo se tagata o ia lea na te a’ea se laau e 40 futu? Leai e le o lena…e faigata ona sao i totonu o se tree house e mamao i luga mai le eleele i loo se mea o loo i luga o le eleele?” Na toe ta’ua e Mr. Batchelor e faapea e ese ai mai ia Angie ma Toma, o isi o ana turisi uma e leai ni faafitauli na latou feagai, e tusa ai ma le malu puipuia.

Ou te manatu o la’u fale talimalo e matua saogalemu lava ma afai e te fesiligia soo se isi o a’u malo, o loo saogalemu i latou iinei.” Ina ua fesiligia e uiga i manatu faaalia o le Palemia i luga o le 60 Minute e uiga i le nofoaga o lana meatotino, fai mai a ia: “E te iloa le pogai ou te fiafia ai i le Palemia. Ou   te le auai e tusa ai ma le mea na ia faaaalia talu ai-na ‘ou sau i Samoa i le fitu tausaga talu ai. Na ‘ou maua Samoa i se taimi e sili atu i le 20 tausaga talu ai  ma ou te sau pea i taimi u a’u malologa talu ai ou te lagona le saogalemu iinei. 

“Na ‘ou sau iinei ma amata lenei pisinisi e avea ma pisinisi a’o lei litaea malolo ma fai le ta’utinoga-o le mea lea ou te le ioe i lana faaaliga, o Samoa o se nofoaga saogalemu.” “O se tagata solitulafono mata’utia lenei-lea na sola ese ma fai le anoano o mea leaga i le turisi, le igoa o Samoa, lou tatou igoa ma ua afaina ai a matou pisinisi; o lea ua toatele ai tagata ua afaina ia te ia. O le faamolemole mai e le mafai ona taofia ai. I le itu mulimuli, na toe ta’ua e Mr. Batchelor e faapea ao Samoa o loo saogalemu ma o lana meatotino o loo faapea foi ona saogalemu.

“O Samoa o se nofoaga e matua saogalemu. Na ‘ou sau iinei ona o lona tulaga o loo i ai; e amio lelei tagata, e lea o se atunuu ua pulea e pisinisi e pei o isi atumotu; pe afai e te fia tofo i le aganuu a le Pasefika i Saute, o le nofoaga lenei e tatau ona e sau i ai. Ou te alofa ia Samoa; ona lena o le upu e mafai ona ‘ou faailoa atu e uiga i lena itu o le mea lea faamolemole-o mai tatou te nonofo faatasi.” Ia o lena ua matou lagona atu oe Mr. Batchelor. 

O lau fe’au o la matou fe’au foi lea i le lalolagi i lenei aso. O loo tumau pea le matagofie o Samoa ma o se nofoaga lea e tatau lava ona asia mo se tulaga ese e le lau maua. O le mea moni-i le Lupesina Treesort, o le mea tonu lena o loo ofoina atu se tulaga e le lau maua. E tutupu mea leaga ma o le mea na tupu i Tiavi i le tausaga talu ai-o se mea lea tatou te le mana’o e tupu i soo se tasi. Ae peitai-o le mea leaga e tasi e le mafai ona tuu-fau e faaleaga ai se nofoaga matagofie faapea. O le mea lea, alu, ‘ia ‘aua nei lafoa’ina le Treesort. Asiasi ia Jacki lana vaega o loo iina ma saili ona e iloa ai lea.

MK
By Mata'afa Keni Lesa, 26 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?