Faasalaina le Sui Faatu mulimuli ona o se ta’utinoga tau faa-sesē

LT
By Lanuola Tusani Tupufia, 14 May 2016

O se alii na toe faaui i tua lona avea ma sui faatu mo le Faiga-Palota Lautele talu ai nei-na faasalaina ananafi i se sala tupe e $700-ona o le faia o se ta’utinoga pepelo. 

O Taula Faulaau Sili na ioe i lona moliaga o le faia lea o se ta’utinoga sese na faaulu e le Ofisa o le Komesina o Faiga-Palota-a’o lumana’i ai le Faiga Palota o le 2016. 

O le Sui Komesina o Faiga-Palota ma o se loia foi-o Faimalomatumua Matthew Lemisio o loo fai ma sui o le Ofisa i totonu o le Faamasinoga.

Na ia faailoa atu i le Faamasinoga e faapea o le tamā o se fanau e to’afa ua molia mo le le faalauiloaina e faapea e i ai ona moliaga muamua i le taimi na ia tuuina atu ai le pepa o lona filifilia e avea ma sui faatu mo Aleipata Itupa i Luga. 

ADVERTISEMENT

Fai mai Faimalo o le ta’utioga a Taula e faapea e leai sona moliaga muamua-e pepelo. Sa mulimuli ane ona maua e faapea na aafia le itu tete’e i ni mataupu talu ai i luma o le Faamasinoga lea na mafua ai ona faasalaina o ia ma faa-sala tupe.

Sa mulimuli ane ona toe faaui i tua e le alii faipisinisi lona avea ma sui faatu. O le Alii Faamasino o le Faamasinoga Faa-Itumalo o Vaepule Vaemoa Vaai sa taiulu i lea faamasinoga.Ina ua fesiligia pe i ai se mea na te fia faailoa atu, fai mai Taula-na ia ta’u i le loia e le’i faa-falepuipuiina o ia ae i ai ona moliaga muamua. 

“E le’i fesiligia a’u pe o le a le mea na faasala ai a’u,” o lana faaaliga lea. “E leai so’u faamoemoe e tauva i le Faiga-Palota Lautele-ae ina ua latalata i le palota, sa i ai se lu’i na faaulu e la matou Faipule e faasaga i se foma’i-o ia lea sa tauva-ma o le pogai lea na faanatinati ai la’u faaiuga ma le faaiuga ina ia ‘ou tauva.”

E le’i ta’ua e Taula le suafa o le foma’i na ia ta’ua.“I nai aso mulimuli ane ai, na ‘ou alu ai i le Komesina o Faiga-Palota ina ia toe faaui i tua lo’u avea ma sui faatu,” o lana faamatalaga faaopoopo. “Sa leai so’u manatu o le tulaga lea ou te o’o i ai-ou te le’i tauva i le Faiga-Palota Lautele.

Ae peita’i-sa faamanatu atu e le Faamasino o Vaepule i lea tamā e faapea o lea moliaga-e leai sana faiā ma le mataupu e uiga ilona tauva i le Faiga-Palota Lautele pe leai. “O le mea moni e faapea na e faia se ta’utinoga taufaasese ma na e tauto e tusa ai ma lau tautoga,” o le faaaliga lea a le Faamasino o Vaepule.

“O loo fesiligia e lea moliaga lou faamaoni…..ua faasalaina oe ma o lou ioe i lou moliaga ma au gaoioiga ina ia toe faaui i tua lou avea ma sui faatu-ua faaaogaina e avea ma itu e toe fetuuna’i ai.

“O lea ua poloaina ai oe ina ia e totogi le $700 ma o lou le faatinoina o lea tulaga o le a e taunuu ai i le 3 masina i totonu o le falepuipui.”O Taula o le sui faatu lona lua lea ua faamaonia e nofosala ma faasalaina i le fai o ta’utinoga tau faasese e tusa ai ma le faiga-palota lautele talu ai nei. 

LT
By Lanuola Tusani Tupufia, 14 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?