Manumalo se Samoa ato-maualuga i Tauvaga-pese i Niu Sila

26 July 2016

Ua fa’ailoa mai le manumalo a’ia’i ai o le Samoa ato-maualuga o Benson Wilson e papa-a’ao i Niu Sila, i le Tauvaga Pese o le 2016 (2016 Lexus Song Quest) sa faia i le a’ai o Aukilani talu ai nei.

O lea tauvaga e ta’ilua tausaga ma fai, e mo tagata-pese si’ufofoga maualuga ma latou sa mautulaga i tauvaga ua mavae ma sa aofia ai Dame Kirite Kanawa ma Dame Malvina Major, o nisi o tama’ita’i si’ufofoga malie.

ADVERTISEMENT

O le 60 lenei o tausaga o lea tauvaga.

O Benson Wilson sa tulaga lua i le tauvaga o le 2014 a’o lea ua suipi i le fa’ailoga muamua o le 2016.

O le fa’ailoga o le manumalo e aofia ai se avanoa sikolasipi e a’oa’oina ai i le a’oga-musika o Guildhall School of Music i Lonetona, lea na ta’ua e Benson, e talitonu o le a atili fa’aleleia ai lona leo mo le aga’i i luma.

O Filipe Manu, o se ali’i ato-maualuga mai ‘Aukilani na tulaga-lua ma le tulaga tolu na maua e le i-maualuga o Madison Nonoa mai Hamilton.

Na fa’aalia e le Fa’amasino o le tauvaga, o Yv onne Kenny, na matua fa’amalieina lana fa’alogo ma fa’afiafiaina fo’i i taumafaiga a latou uma sa ‘ausia le sa’iliga o le manumalo, ma ua silafia ai le mata’ina o si’ufofoga o tagata Pasefika i Niu Sila ma taleni ‘ese’ese ua foa’ina iai.

26 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?