Tiute faale-tina i totonu o aiga

SS
By Seia Soloi, 21 March 2017

Ua faaupuina le tina o ia o le ola o le aiga.

Ma o le faalupega masani lava ia o latou o le pae ma le auli o lanai a matafaioi tausi lava i aso uma e faamoemoe ia te ia feau ma galuega uma o le aiga ma tiute fai.

O le manatu lea o le tina ia Mua Misa Vaofusi, 63 tausaga le matua mai le afioaga o Siufaga Falelatai. O lana galuega faia pea lea mo lona aiga o le fatuaiga tausi mo lana fanau ma fanau a lana fanau.

“E leai sa’u galuega ma e toasefulu la’u fanau, ma o la’u galuega i aso uma lava o le tausiga lea o la’u fanau ma a latou fanau aua o la’u a lea masani talu ina ou ola mai ma o lo’o faia lava i le taimi nei” o lana tala lea i le Fofoga o Samoa.

ADVERTISEMENT

O lo’o faigaluega nei i se tasi o tina i totobnu o le afioaga e ala i le faia o galuega i totonu o le fale ma feau i fafo e pei o le faamamaina o le lapisi ma nisi.

“O lo’u naunautaiga lava ina ia maua sina seleni mo la’u fanau, aua o la’u faamuamua lava o lo’o ave i la’u fanau ma le tausiga o la’u fanau.

O le manaoga o le tina ina ia faataunuuina manaoga o lana fanau ma so latou lumanai manuia.

“Pau le tulaga o lo’o ave ai la’u faamuamua ina ia maua se meaai a la’u fanau ma a latou fanau ma o le tupe lava e maua mai ii e faatea ai lava a matou pili o le moli ma le suavai.

O le naunautaiga o le tina po o le a le taugata i fea o le olaga ma mea e maua mai ai ae o le tiute lava ia faale tina ina ia mautinoa o faataunuuina manaoga o le aiga aemaise le ola tuputupu a’e ai o fanau mo nei ma le lumanai.

“E moni lava ua taugata le soifuaga ae e taumafai lava i le mea e gata ai le taumafai ma le malosi aua le sailiina ai lea o se seleni mo le tausiga o fanau ma aiga.

SS
By Seia Soloi, 21 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?