Fia avea ma tama lakapi

IL
By Ilia L. Likou, 23 December 2017

Aua nei toso oe e ou faafitauli ae ia avea ou faanaunautaiga poo miti e taimua ai lau malaga.

O lea le talitonuga o le taulealea e 17 tausaga le matua ia Fa’au’uga Tagi mai  Leauva’a.

Na maua se faatalatalanoaga ma le Fofoga o Samoa i le taeao ananafi ina ua agai atu i lona aiga i le maea ai o ana galuega i lo latou maumaga.

Na nofo mai le taule’ale’a mai le aoga i le tausaga nei ona o le faafitauli tau le seleni lava ae o loo iai le fuafuaga e toe foi i le aoga i le tausaga fou.

“E le’o o le gataaga lea mo au i le olaga aoaoina o loo iai lava le avanoa ou te toe agai ai i le aoga ma o se faamanatu pito sili lea o taua mo au ina ia mafai ona ou ausia se tasi o ou miti mo le lumanai.”

O loo faanaunau le loto o le taule’ale’a ina ia avea o ia ma tama taaalo faavaomalo i le lakapi.

O le taule’ale’a ia Fa’au’uga e lona ono i le fanauga.

ADVERTISEMENT

O loo iai lou naunau ia avea au ma le isi Alafoti Faosilliva

Aisea ona e ese ma lou fiafia i le taalo a lea foi taule’ale’a i le Manu Samoa.”

“Ou te talitonu e o faatasi le lelei o le taalo ma le lelei o le olaga aoaoina.”

Na tuua le aoga ae ua ou i le vasega 11.

E pei ona ou taua muamua na ou nofo ma le aoga ona faafitauli tau le seleni ae o loo iai lava le faanaunautaiga ia te au ou te toe foi ai i le aoga.

O nai ou tuafafine e toalua o loo fesoasoani lea i le tausiga o si o matou aiga ae o le isi taimi e faalagolago i le matou faatoaga. 

Ae o au o loo fesoaoani nisi o feau a le aiga aemaise ai nai ou matua.

Ou te iloa lava ou te toe foi lava i le aoga i se taimi le toe mamao.

O le soifuaga i lenei taimi ua fai lava si faigata ae mo au lava ia o loo ou faamuamua lava si ou aiga. Aua ou te talitonu o i latou lava e fesoasoani mai mo au ina ia ausia miti o loo ou faananau iai.

IL
By Ilia L. Likou, 23 December 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?