O FEFAATAUA’IGA FAAVA-O-MALO

14 August 2016

E faagasolo le 1870, a ua uma ona feutaga’i malo tetele e tolu o loo tauva mo le pulea to’atasi o Samoa, mo ni feagaiga ma le pulega faale-aganuu o le atunuu i lena taimi, e tuuina atu ai –ia i latou ia lava aia tatau.

E le gata i lea, sa faatino o Gordon, i se taumafaiga e fo’ia ai ai le tulaga vevesi o tagata,se fono e ta’u o le Fono o le Eleele Sa poo le “Municipal Convention i le 1879-e tuuina atu ai se pule tulaga ese i Konesula e to’atolu, ma se nofoaga o tagata mai fafo i Apia e avea ai ma vaega-eleele e pulea e ia lava ma e le pule e se malo e to’atasi.

Ua matua sili atu lenei feagaiga i lo isi lava taumafaiga muamua-e faavae ni faalapotopotoga tau le puipuiga mo tagata Europa-talu ai le vevesi pea o tagata Samoa ma le naunau o malo mai fafo e umia le pule ia Samoa.

ADVERTISEMENT

O le mea moni lava-o le Eleele Sa-ua na o se nofoaga o se Konesula ma se vaega itiiti o tagata e pule ai, e galulue faatasi i mataupu e faatau aafia ai, ma sa faavae ai foi ma se ‘Municipal Board’ poo se Komiti Faatino o le Eleele Sa, o ona tiute fai o le su’e o tupe, leoleo le taulaga, faatino galuega mo tagata lautele, faafoe le tulaga mamā ma isi lava galuega talafeagai, Sa i ai foi i le Komiti Faatino le pule e tofia ai se Faamasino Maulalo na te su’esu’eina solitulafono e faasaga i ana tulafono ma faamalosia ai le tulaga pulea o le Taulaga-lea e toatele tagata mai fafo sa nonofo ai ma nofoaga sa i ai a latou meatotino.

Sa faaalia e Harry Moors poo Misimoa e faapea ona o le faigata ona maua ni tupe, o lea sa faaitiitia ai taumafaiga mo le toe faaleleia o galuega mo tagata lautele i le faagasologa o tausaga o le Fono o le Eleele Sa. Ae ui o lea-sa fausia se ala laupapa e ui ai tagata i luga o le vai i Mulivai ma Vaisigano, ma sa toe sui atoa le Ala i luga o le Sami mai Savalalo i le Vai i Vaisigano. Sa potopoto le Komiti Faatino o le Eleele Sa i le falesa tuai poo le Rarotongan Church, lea foi sa fai ai faamasinoga ma mataupu tau oloa faaulufale mai, i totonu o se fale itiiti, lea ua le mautinoa tonu le mea sat u ai.

Sa faagaoioi e le Malo o Siamani se Falema’i i Apia mai le 1880 i le 1891-i se fale na fai muamua mo le Konesula Peretania o John C.Williams i le 1865. Sa faaaoga foi lea fale e avea ma Apia Hotel ae na toe sui e le Magaluega o Fanua & Fuagafanua lea sa i ai i le 1910. O le itu e aupito i sili ona taua, na faamaonia e le Komiti Faatonu o le Eleele Sa poo le Municipal Board se vaega tele o Tulafono Faatonutonu, o nisi o ia Tulafono e faasino i le fausia o fale.

Sa manaomia e ia Tulafono le saunia o ata o fale ua fufua e fai-ma ia tuuina atu i le Komiti Faatonu ina ia faamaonia,le pulea o nofoaga e pito i le auala ma isi fale e soso’o ai, fuafua le tulaga ma le maualuga o Pa-laupapa e si’o ai-ma faasa le fausia o fale i le itu i gatai o le ala autu. Na lomia faasalalau i le 1880 e le Komiti Faatonu o le Eleele Sa se lisi o loo tusia ai tagata mai fafo o loo nofoia Apia, lea pe tusa ma le 120, sa aofia ai le 31 tagata Amerika, 27 tagata Siamani, 43 tagata Peretania, 5 tagata Sepania poo Potukale, 2 Farane ma le 12 tagata Saina.

E ui lava i mea tau le toe faaleleia na faatino i le Eleele Sa, ae o le ata atoa o le vaaiga i Apia-o lona faamatalaga lenei i le 1888:- Mai le faleoloa Siamani i sisifo i se mea i tala atu teisi o le Konesula Siamani i sasa’e, e le’i taitai ona maua le lautele o le ala autu mo se ala savali, ma ua na o le limasefulu iata o soo se vaega o le auala-o loo ta’oto  i se laina sa’o, o faleoloa uma ma fale o tagata lautele, e aliali mai ua tofu lava  ma le auala, o le isi pi’oga e pule ai o latou tuaoi ma faapena ai lava.

14 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?