Fia fa’aleleia le fale o Fa’amele

FT
By Fetalai Tuiluluu, 21 February 2017

O le augani lea i le tinã iã  Fa’anene Va’a 37 tausaga le mãtua le soifua mai le afioaga o Tuana’i ina ua maua le faatalatalanoaga ma le Fofofoga o Samoa le aso ananafi.

 Sa ia fa’alia i le Fofoga o Samoa e tofu lava le aiga ma lona manoaga ma e eseese foi tulaga mana’omia i le atina’eina o aiga. 

“O loo manuia lava mea uma i le alofa le Atua ae tasi lava se vaega o loo o’u moemiti ai lava o le fia faia lea o se matou fale matu e si a’u fanau ae le gata i lea o le malu puipuia o lo’u aiga. O lana le saunoaga

“E silafia foi, o loo matou nonofo nei ma si a’u fanau ma si o’u to’alua i le faleo’o ae e avea lava lea itu ma se vaega e mamafa tele i lo’u mafaufau ona o le sefe lava ma le ola filemu o le fanau.

“O le taimi nei, e ta’u mama atu lava, e matua le gafatia lava se fale fou ona o le tele o mea fai ma le taugata le soifuaga. 

ADVERTISEMENT

“E faigata foi le tausiga si o’u aiga ona o lo’o soifua mai foi o’u matua ma o lo’o gasegase foi le tama mãtua ae toatasi lava le tagata faigaulega si mãtou aiga na’o si o’u to’alua lea. 

“O lo’u to’alua e faigaluega sikulati i le K.L Matautu ma o le tēle lava o lana tupe maua i le aso e $100, o lea foi $100 e uma lava i le aso Gafua i tamaiti le aoga ma meaai ae le gata i lea o mea fa’a le Ekaleisa i le Aso Sa.

“O se fa’anoanoaga tele ia te a’u o le le mautonu ma mautinoa lava se taimi vave e fai ai se fale lelei ma tumau ona o le tupe maua i aso uma.

 “O le isi foi itu ou te titilo iai o si o’u tāma ma’i o le fa’ataotolia nei, i le le lava o se seleni ma le mautu le fale e nofo ai.

Sa ia fa’ailoa e le fa’afetai lava ona o le fale o lo’o nonofo ai, ae o lona manatu o le olaga e alualu i luma.

Na ia ta’ua e le talafegai lava i lana vaai atu o ola falǒlǒ mai lana fanau ma o le ala tonu foi lea e naunau ai lava le tinā e fau se fale lelei mo lon aiga.

“E le gata lava mo le lumana’i o tamaiti ae o le vaitau o lo ‘o tatou iai nei i le tetele o timuga ma le loulouā le taua ma o se tulaga le sefe tele i lona aiga i le nonofo ai.

“O le aioi atu lea ona o se fesoasoani i lota ia lava aiga i tulaga tau fale.

FT
By Fetalai Tuiluluu, 21 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?