TA’UTINOGA A SAGATO AOKUSITINO-OLA FAATA’ITA’I IA KERISO

FN
By Fuimaono Na’oia Faasavalu Touli F. Tupua, 05 June 2016

E TATAU ONA TATOU MAPU I LE ATUA I LO OLOA UMA MA MEAALOFA 

ADVERTISEMENT

Iesu e-le Malamalama o le Mamalu e faavavau-o Le faamafanafana i le agaga maumau solo-a ou tu atu i ou luma-e leai se upu e mafai ona ‘ou tautala atu ai-ae na o lo’u gῡgῡ. O le a ‘ea le umi e te faatali ai -ona e faatoa afio  mai ai lea- lo’u Alii e ia te a’u?

Tu’u maia o Ia e afio mai ia te a’u-o Lana auauna mativa ma le loto maulalo-ma Ia e faafiafia mai ia te a’u! Tu’u maia o Ia e faaloaloa mai Lona aao, ma lavea’ina lana tagata Pa’ia mai le popole. Afio maia, aua a aunoa ma Oe- ou te le maua se aso poo se itula ou te fiafia ai-aua ua na o Oe lava lo’u fiafia-ma a aunoa ma Oe-ua leai se mea i luga o la’u laulau.

Ua ‘ou mafatia-ma ua peiseai ua saisaitia a’u nei ma ua tumu i mea e saisaitia ai a’u-se’ia vagana ai ua e toe faafou a’u- e ala i le malamalama o lou faatasi mai-ma tuuina mai ia te a’u le sa’olotoga-ma faailoa mai ia te a’u lou alofa e tutumau.

Faauta mai-o a’u lenei! Ua ‘ou alu atu i Lau Afio-tusa lava pe o le a le mea e faafiafiaina ai latou. Faauta mai-ua ‘ou sau ia te Oe-aua na e valaauina a’u. O ou loifofoga ma lou naunau i lo’u agaga, o lou agamalu ma le faamaoni o le loto-ua una’ia ai a’u, ma avatu a’u i Lau Afio.”

FN
By Fuimaono Na’oia Faasavalu Touli F. Tupua, 05 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?