E i ai matafaioi a tupulaga talavou

SS
By Sarafina Sanerivi, 19 December 2016

 “O so’o se tupulaga talavou a ua le faigaluega o ia na te fa’atinoina le fatuaiga.” Siaosi Matapusi, 26 o Faleula-Uta.

I le fa’atalatalanoaga ai ma le Fofoga o Samoa i le aso ananafi na ia fa’aalia ai le tele o matafaioi o tupulaga  i totonu o aiga, nu’u ma afio’aga ta’itasi.

O a ia matafaioi?

“O lo’u ia iloa  i ai, ia o le galuega muamua lava lea o le talavou, o le tausi o lona aiga, va’ai e alu e fai se ma’umaga pe a ua leai se galuega.

“A leai se ma’umaga , ia o le alu e fagota e maua mai ai se i’a aua matua, aua o le taimi lenei o lo’o soifua pea nai o’u matua.

“O isi aso, ou te alu la’u mai popo i luma nei fa’atau ai aua e tele le fanua, a uma le tele o matafaioi ia o le mea’ai o le afiafi i aso uma.

“O nisi taimi ia ua ou sau fa’amama luma o lo matou fale i le vao, ta ta fafie, ia ma le tele o galuega e le mafai ona tolaulau atu.

ADVERTISEMENT

“Aepeita’i o le tupulaga talavou lava ia e ala ai ona o’o faletonu i lona olaga.

Na ia fa’ailoa i le Fofoga o Samoa  o le taimi lenei o lo’o taumafai i le mafai e gata ai lona malosi i le fa’atino ai o so’o se vaega aua lava lona aiga.

“Ia o a’u na ou faigaluega muamua  lava , ma alualu te’i lava ua ou fa’ama’amulu lea la e o’o mai lava le taimi lenei olo’o alu ai lava.

“O lo’u ia manatu i ai, e pei lava e sili atu lo’u nofo le fale ma tausi matua ma lo’u aiga ma fai ai nai vaega nei e maua ai la’u tupe.

“Ia aemaise lava pe a la’u mai le popo e fa’atau i luma i’inei.

“E pei o lea le agaga fa’afetai o lo’o i ai letaimi lenei.

O lona talitonuga e leai lava se isi mea e maua ai fa’amanuiaga i totonu o lona aiga.

“O lo’u lea fiafiaga o lo’o i ai le taimi lenei  ia fa’aauau pea e lo’u talavou nei galuega uma,  aua e le taumate fa’amanuiaga mai matua.

“E manuia ai le olaga ma le aga’i atu i le lumana’i.

SS
By Sarafina Sanerivi, 19 December 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?