Olaga fa’aletina i aso uma

PM
By Pai Mulitalo Ale, 30 September 2016

O Lina Peseta Tuisauta o se tinā ua 22 tausaga o lona soifua, ae nā ia molimau o lona lava tiute faalētina i totonu o lona aiga e lē mafai ona tu’ua.

O le tele lava o tiute o le tinā iā Lina o le gāseseina lea o meataumafa aua lona aiga, ‘aemaise o si āna fanau to’alua.

O le māsani lava a Lina e alafa’i le mālama o le taeao, usu i le umukuka auā le gāseseina o le malū taeao. 

“E moni e le faigofie aemaise lava pe’a timuga le aso, ae ‘ona o le to’aititi o tagata o lō matou aiga. 

O le tinā ia Lina e mai le afio’aga o Patamea, ‘ae o lo’o nofo nei i le aiga o lona to’alua i Pu’apu’a ma le la fānau e to’alua auā le tausiaina o le tamā o lona to’alua. 

“O ala ia o faamānuiāga, e mai ō tatou matuā tausi.” 

“E ui lava e faigatā le olaga, ae o lo’o o’u fiafia lava iāi.” 

“O totonu  lava o le matou āiga, e lēai se isi e faigāluega, se’i vāganā ai lo’u to’alua e fāgota.

“E fa’alāgolāgo uma lava le matou aiga i le galuega o lo’o fai e si ‘ou to’alua. 

ADVERTISEMENT

“O le matou alagātupe tele lea, o taui’a auā e māua lava taui’a e tolu i le fa i se faiva e tasi e ta’i $20. 

Ta’ua e le tinā iā Lina o le seleni e maua mai i taui’a nei e fa’asoāsoā mo le lātou aiga. 

O le olāga foi i nei, e fai lava sina faigatā ona o le tele o mea fa’alelotu, mea fa’alenu’u ma mea fa’aleāiga.

E iāi lava aso, o seleni e māua mai e faamuamua ai mea fa’alenu’u auā ā le faia ia e toe fa’aopoopo fo’i, e avea fo’i lea mā avega māmafa iā i mātou.

E o’o fo’i i le talaloā i utā o lo’o galūlūe ai tagāta o le afio’aga nei, ae aogā lava i tagata e iai ta’avale auā e gāfatia le o i ta’avale i utā e galūlūe ai. 

Ae e iāi fo’i fa’afitāuli e tula’i mai. 

“O le fa’afitāuli tele lava o le tau. Aua a leaga le tau ua lē māfai ona alu se faiva.”

Ia e ui lava i fesoāsoāni mai o āiga mai fafo ae ‘e le māfai ona fa’alāgolāgo tele iai ona tatou te malamalama uma lava I le soifuāga o tatou aiga I fafo. 

O tupe lava mea uma. 

E moni lava ou te sau mai Patamea ae o le mafatiaga lava e tasi o lo’o iai nei. 

O mea fa’ale nu’u, fa’ale’ekalesia o falavelave fa’aleaiga ae le fuatasi i se nu’u. 

Ae o tātou tiute lava ia o le fa’atino, ma le tausi āiga.

PM
By Pai Mulitalo Ale, 30 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?