Ia aua ne’i gata le saili

SS
By Sarafina Sanerivi, 22 January 2017

“Ia o si o’u aiga ua na’o a’u ma le tinā o le aiga ia ma o lo’o o’u tausiaina o ia e o’o mai le taimi lenei.”

Francis Viliamu, 44 le matua o le soifua o Fasito’o.

O Francis o lo’o galue nei i se tasi o kamuapni i le taulaga ma o lea lana galuega o lo’o fesoasoani tele mo le tausiaina o si ona tinā.

“Ia e pei ona ua fa’ailoa e leai nisi o si o’u aiga, ma e le’i faia fo’i so’u to’alua ae pei o a’u lava o lo’o tele ina faia ma fa’atinoina feau o le aiga.

“Ona ua ua matua si o’u tinā ia ua le toe tutusa fo’i lona malosi mo le fa’atinoina o vaega nei mo le atina’eina o le aiga.

“Ia ae ua le toe faigofie nei aso  e pei ona ua tatou molimauina uma lava, ia e moni lava na’o ma’ua ma le tinā ia ae i ai lava taimi e  tau le lava ai le fa’asoa.

ADVERTISEMENT

O lona talitonuga e le’o se itu e nofoa’i ai ma fa’atalitali i ni vavega tutupu.

“Ia o la’u ia lea talitonuga i le mataupu lenei, o se itu e ao ona o tatou manatunatu i ai ia ma faaaoga tatau le taimi ina ia mafai ona o’o mai aso ua matua’i leaga lava ae o lo’o i ai nisi o vaega e mafai ona tapa atu i ai.

“Ia e mo le silafia ai e le tele se tupe o lo’u totogi e maua, ae ou te fiafia lava e fai galuega fo’i ie e fesoasoani ai lo’u aiga.

“Ia lea fo’i la ua tatou fetaui i lenei taimi, ia o  lea fo’i ou te alu atu i le isi a’u tama’i galuega i gauta atu o le afioaga nei.

“O se fiafiaga tele lea i a te a’u aua e pei e moni lava e laititi sina seleni e mafai ona maua mai ai, ae o le mea sili ole a fesoasoani i se isi pauna suka a le aiga.

“Tatou te tau fai ioe ua le toe faigofie le soifuaga, ae o le uiga o la’u tala a nofoa’i ai ua tupu mala ma fa’afitauli.

“O la’u lava ia lea aupega ia o le alu e fai galuega ia ma vaai nai galulue faamama fanua i totonu lava o si o matou nu’u.

“Ia e moni lava e ititi ae – paupau ia ae o’o i Lepea!

SS
By Sarafina Sanerivi, 22 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?