Fia fa’aleleia auala

By Sarafina Sanerivi 22 January 2017, 12:00AM

O Sia Fa’ala’a, 62 le matua o le soifua ua silia nei  ma le sefulu tausaga talu ona nofoia e ia ma lona aiga gauta o le afio’aga o Faleasi'u uta.

Na ia fa’ailoa i le Fofoga o Samoa o lo’o sologa lelei lava mea uma talu mai lava lona amataga se’i vagana ai le fa’afitauli tau i auala.

“Ia e mo le silafia ai o se tulaga pagatia tele o lo’o ua i ai uta nei o si o matou afio’aga masalo o se fa’afitauli ua leva ona feagai e le gata o i matou ae o le tele o nai o matou aiga i uta nei.

“O se itu lava e fa’anoanoa ai le taimi lenei, ona  a timu ia ua matua’i mata’utia omo’omo matou te fa’asasaga i ai, ae a mugala ia e tau le mafai ona nofonofoia lelei ona o le pefu.

“Ma ou te iloa o se tulaga fo’i lea  i a’i matou ia ua matua’i vave fai ai lava se fuafuaga lava , ua matua’i lelavava fa’asaga atu ai.

Na ia ta’ua o le isi tulaga o lo’o ua va’ava’ai i ai o itu tau soifua maloloina.

“Ia e pei ona outou maitauina ia ua tele lava o si o matou afio’aga e pei ua tele mai uta nei ma e tele lava nai tamā ma tinā matutua olo’o ua i ai aemaise o nai fanau laiti.

“Ia o lo’o ua tatou iloa uma lava ia o le a fa’atupu ma’i i le  tele o taimi aemaise lava nai fanau laiti.

“E le gata i lea o le tele o nai fanau e savali mai uta nei pe  a tu’ua le aoga ia e moni e i ai le pasi, ae o isi fanau e savavali mai e pei o lea le popolega i a’i matou ia.

“O le itu mautinoa e  tele fo’i ina alofia e ta’avale laupasese le o’o mai uta nei ona o le leaga o le auala.

“Ia e lelei lava le tu’u i tai ae o lo’o maua le paolo e omai ai uta nei, ae ua o tatou iloa uma lava le faigata pe a la pe timu fo’i.

Na ia fa’ailoa ‘o le lua tausaga ia na o le omai lava o le fai auala tanutanu toe o, ia ua timutimu lava ia e pei ua toe tafea le ta.

“Ia na la ua amata ona omo’omo ma ua mana’omia lava ai lava se fesoasoani.

By Sarafina Sanerivi 22 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>