E lē galue loa gaoi – Sia’e

SS
By Sarafina Sanerivi, 22 January 2017

“Ia o a’u lava o gauta lava ou te i ai, ae ua ala ona maua mai a’u i luga o le sami i lenei taeao ina na ou sau lava a’u e va’ai se i’a e fai ai sa’u mea’ai ia na ou alu  lea.”Sia’e Sia’e, 63 le matua o le soifua o Utuali’i.

Na ia fa’ailoa i le Fofoga o Samoa le taua ai lea o le taumafai e atia’e fa’ato’aga aua o vaega nei e mafai ona fesoasoani ai i so’o se taimi.

O Sia’e Sia’e o se tamā galue malosi i lona fa’ato’aga.

“Ia o a’u ou te galue i aso uma, ma o se tulaga fo’i le le ua ou masani lava a’u ia i ai.

“O le fa’ato’aga e fai lava sina telē ma o lo’o totō ai o so’o se fuala’au ‘aina aemaise o fa’i ma talo, ia ma o le tele lava o taimi ia ua la’u i le maketi.

“O nisi o taimi ia ua tele lava ina pala mea’ai i luga o le ele’ele.

Na ia fa’ailoa o le isi lea itu o lo’o maua ai lava e ia le malosi i aso uma.

ADVERTISEMENT

“I a te a’u ua matua’i o’u  fiafia lava i le tulaga e pei ona ua i ai nei, ia e pei o vaega nei e galue ai lava e le gata la e mo le tausiga o le aiga.

“Ia ae maua ai lava le malosi i taimi uma.

Na ia ta’ua o le tele lava o fa’afitauli e feagai ma ia o le gaoia so’o leao lana fa’ato’aga.

“Ia o le matua’i fa’anoanoaga lava i a te a’u le tulaga lea ma ua tupu so’o tele i lo’u iloa i ai.

“E leai lava sa’u ia tala e faia, ae ole fa’anoanoaga tele lea  i a te a’.

“Aua e ta’u mama atu lava o le tele o tupulaga o lo’o ua i ai nei,ia ua le fiafia e o e su’e ni galuega ae manana’o e ola fifilemu.

“Ia ma ua avea le tulaga ma mafua’aga ua o’o atu le tulaga lea o le gaoi ma le lima tagovale.

“O se fa’anoanoaga tele lea i lo’u iloa i ai i taimi uma lava ma e ao lava ona e galulue, a ua leai se ma’umaga ia su’esu’e sina galuega.

“Aua le tausiaina o aiga ia ma so’o se tulaga e tatau ona fa’atinoina mo le manuia o aiga.

SS
By Sarafina Sanerivi, 22 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?