Faata’oto fuafuaga mo le Uafu

06 February 2016

Tusia - Lanuola Tusani Tupufia

Faaliliu e Seagaitumua Tupuola 

 

O se uafu faava-o-malo i Matautu o se tasi lea o le lalolagi o miti a le malo ua latou fuafua e faatino pe afai e manumalo le Vaega Faa-Upufai e Puipuia Aia Tatau a Tagata i le Faiga-Palota Lautele o loo loma nei. 

O lea tulaga sa faaalia e le Minisita o Galuega, Fela’uaiga ma Galuega Tetele o loo vaaia nei le matagaluega. o  Manu’alesagalala Enokati Posala i totonu o le Palemene. Fai mai a ia o lea uafu o se tasi lea o galuega tetele tau atiina a’e ua faata’oto i le taimi nei ma o loo latou tilotilo i le faamae’aina o lea galuega i le 2018.. E noatia foi lea Minisita mo le Pulega o le Suavai a Samoa, Faalapotopotoga o le Malosi Faa-Eletise ma le anoano o isi lava galuega e tusa ai ma ona tofi. 

ADVERTISEMENT

“O loo i ai foi se fuafuaga a le malo mo se uafu faava-o-malo i Vaiusu,” o le faaaliga lea a Manu’a.  “O se tasi lenei o miti ina ia ati a’e le atunuu. O le a maua ai foi galuega..,o se tasi lenei o puna autu tau tupe maua mo Singpore. O le mea lenei e faasino i fela’ua’iga i vaa ma o se mea lea e tatau ona tatou mulimuli ai. “Fai mai le Faipule o Faleata Sisifo o Lealailepule Rimoni Aiafi o sea atiina a’e e tatau ai ona fesiligia muamua tagata o Vaiusu. E manaomia e le nuu le faailoa atu ia i latou o ia galuega ma poo a na fuafuaga,” o le faaaliga lea a Leala. 

O le tali-fai mai Manu’a o le taimi lava e mae’a ai feutanaiga ma talafeagai ma le taimi-ona logo loa le o le nuu.. Ina ua faagasolo atu i le Pulega o le Suavai, sa matauina e le Minisita o loo i ai galuega o loo faatinoina e faaleleia ai se suavai i Tapatapao, Falelauniu ma vaega o Faleata. 

O le galuega e fai faa-paaga ma Iapani faatasi ai ma se tau fuafuaina e $36 miliona. I Alaoa, o loo i ai se galuega e pamu a’e ai le suavai mai lea nofoaga mo Maagiagi ma Moataa. Fai mai Manu’a e faapena foi Vailima lea o lo fai ai ni galuega ina ia mautinoa ai le mamā o le suavai e tuuina atu i Tanugamanono, Motootua ma se vaega o Apia.  Fai mai a ia o galuega tau le toe faafouina o afi moli ma paipa o vai i le Lotosamasoni ma Alaoa, na aafia i le afā o Eveni, o loo lelei ona faagasolo. 

E uiga i le eletise, fai mai Manu’a o le miti mo le paoa e mafai ona toe faafouina mai le malo mo le 2017-o le ua iinei. I lona ta’ua o le sola power i Tuana’imato ma Faleolo, fai mai a ia o le latou galuega ua 100 pasene i le taimi nei.  

Na ia faalauiloaina foi feutanaiga ua faia ma se kamupani e faavaeina le solar power i Savaii ma o galuega o le a vave ona faatino.  

 “O loo galue le Malo i polokalame ina ia mafai ai ona tatou maua le eletise mai le matagi, vevela o le la ma le suavai ia o le a mautioa ai le matua lava o oloa tatou te manaomia.”

Ae mo galuega tau auala i Vailoa ma Vaitele-na teena e Manu’a fautuaga e tatau ona fai ni ala savali i itu e lua o le auala.  E tusa ai ma lona manatu, ina ua mae’a se suesuega na faia, ua tonu ai ia i latou e faapea ua lava e itu e tasi e fai ai ala e savavali ai tagata-ae o le isi itu o le a faaaoga mo taavale ma pase e tutū ai. Na fautuaina e le Faipule o Faleata Sasa’e o Aveau Niko Palamo e faapea atonu e mafai e Samoa ona faata’ita’i ia Niu Sila lea e fai lo latou ala mo uiga vilivae.  

 “O lena faiga o le a una’ia ai o tatou tagata e faaaoga se faiga e matua talafeagai ma le soifua maloloina.” 

06 February 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?