New Member of Parliament takes his oath

The Member of Parliament for Fa’asaleleaga No. 2, Namulau’ulu Papali’i Leota Sami Leota, was sworn into office when Parliament convened on Tuesday at the Maota Fono, Mulinu'u.

The ceremony was conducted by the Speaker of the House, Le'aupepe Toleafoa Faafisi, in the presence of Members of Parliament, families, friends and the chiefs of Sapapali'i, Fogapoa, Fusi Satofulafai, Tapueleele and Fatausi.

Namulauulu said he was extremely grateful for the honour and he thanked everyone who helped him along the way. 

The 51-year-old thanked his Namulauulu family from Safotulafai, Papali’i from Sapapali’i and Leota family in Fogapoa, To’oa le Sa’o na lua; Tuitogamatoe and Tātā ma Tei.

Namulauulu also thanked his opponents in the by-election, Papali’itele Ta’eu Masipa’u, Maileimalo Eneliko Pau and Lemai Faioso Sione and appealed for them to work together.

The M.P. also acknowledged the work done for the constituency by the late Member of Parliament, Pa’u Sefo Pa'u and the work of the ruling Human Rights Protection Party (H.R.P.P.) and its members.

“Thanks for accepting the appeal by the Constituency to welcome me on board. And it must be noted that actions speak for itself and we have seen the work by the winning party in all of Samoa including Fa’asaleleagaa No. 2.

“You (H.R.P.P.) have a lot of enemies, but with God by our side, our vision for the betterment of Samoa shall continue and we will succeed nonetheless.

"Also to my Federal Pacific Group family in Samoa and overseas, the Chairman and the staff thank you.” 

Namulauulu thanked his families and grandparents, Reverend Setu Namulauulu and Avalisa Fetui Fuamatu Namualuulu; parents Fuimaono Joseph Konesane Fuimaono, Vevesi Tugaga Fuimaono and Luaao Leiataatimu Vialipu Setu Namulauulu. 

“My parents currently in New Zealand, Taulapapa Leota Fau and Ututaufaomalesami Namulauulu Leota.”


Namulau’ulu also thanked his wife, Taulapapa Maria, and his two children. 


“Maria, I want to thank you today. Without a doubt you have been my hidden strength. I want to thank for standing by my side through the good times and in particular the rough and challenging times . Thank you for for being the silent, devoted and hard working wife behind the scenes,” he said.

He concluded by commending the Minister of Finance, Sili Epa Tuioti, on the budget for Financial Year 2019-2020 that has been tabled before Parliament.

Namulauulu firstly acknowledged his appointment to be in the Parliamentary Finance and Expenditure Committee and that Fa’asaleleaga No 2 supports the budget.

He also took the opportunity to acknowledge that Fa’asaleleaga No 2 goes down in the history books of Samoa as the first Constituency to first implement new election laws such as mandatory voting in the constituency and elderlies and those with special needs are allowed to vote before the actual election in Apia.

The M.P., however, appealed to the Office of the Electoral Commissioner to consider announcing these services way ahead of time to get the message out.

“Also for the Electoral Commissioner to thoroughly inspect the qualifications of candidates running for office to eliminate the possibility of people stirring up issues during the election; especially those who do it knowing that it is illegal.”

Namulauulu said Samoa has been blessed by God in having the Village Councils and their role in the respective villages.

“However the concern, there is no law that protects the rights of the Village Council Chiefs from conducting their duties within the villages. 

“I wholeheartedly believe that Samoa is founded on God with our culture and traditions.

“Mr Speaker, I asked to consider the request on some protection accorded for the Chiefs in the village when they decided on a candidate they feel is suitable to represent the Village in Parliament.”

Namulau’ulu also acknowledged the assistance from the Japanese government for the Fogapoa school building and renovation of classrooms in Safotulafai.

This is what Namulauulu said in Samoan: 

Lau Afioga ile fofoga fetalai, olea ua talatu’u le tafaoga I le Tofa tatala ma, ua puaui ai legei avanoa fa’aaulo, se’i fa’ailo ai se lagona o lenei Itumalo, vae atu le fa’alepa ole vaatele I le fono usu ale palemene o Samoa, ae tainane le tapuaiga mamala a Si tatou atunuu.

O le tala e fai ile atu Fagaloa. Ou te tu i Fao, ae ou te fia la’a i Mālata, Sei apo ane le ua, ina ia sopo le soifua o le Ali’i o le Atupu’e.

Ae pagā lava lea, e manao I le ufi ae fefe I le papa, e momoo foi I le lupe ae fefe I le gata, O le ala lea ole uiāuta o se leo o lenei Itulmalo, se’i mua’i togi le ‘aute i fanua, ma fa’alanu le tapui . E faigatā lo tatou taeao ua so’o ‘ula, male aso ua la’ei i  mamalu. E fa’afualalafo ai se leo, ma le fa’aaloalo e fa’apea; Tulou Tulou Tulouna lava..

Tulouna ia le Malae i Tiafau. O le Afeafe ole faamanusina a Aiga ma latou tama, ao le Tupua na tumalo ai le ati fetalai, ma le faasau, na ta I le matagi, aua le usoga a Pule ma Tumua, Ituau ma Alataua Aiga I le Tai ma le vaa o Fonoti…

Tulona le malae i Tiafau. O le Malae na osi ai le fegaiga a Samoa male Atua ole fa’avavau, e ala I le galuega mamana a le vaafolafola o le tala lelei, na o latou lalase le po valea,  ae FA’AVAE AI NEI I LE  ATUA  SAMOA, e pei ona togia e outou tuaa ma o tatou mātua.  A lea ua pa ai nei le male, ae mao le talele. Ae maeva ai Samoa uma, ile mālū ole laula’i ole alofa matalasi o le tatou tapaau I le lagi. 

E muamua ona ou faatalofa atu aua le nofo tapuai a lau Afioga I le ao Mamalu o le tatou malo, ae o le soo tau alo foi a lau Afioga a le Sui o le Fono Sui tofia. 

Ua pa’ia sautuaafe la, le malae i Tiafau aua o lea  Ua ‘ainā le fala lafo ole tofa fa’alele, o lau Afioga ile Ali’i Palemia ma le Aiga kapeneta. Ua nofoia fo’i le nofoa, ole tofa faatonutonu folau, o lau Afioga ile Fofoga fetalai ole Maota. 

O lele foi ua Atoa le atuao o le saofaiga i pou fa’ifa’ia, o sui Faipule ole palemene o Samoa. 

A! e le galo le tapuaiga mou i lau Afioga ile Sui Faamasino sili, male Ofisa o Faamasinoga.

E manatua fo’i le tapuaiga I le la itu ole vai. Le pa’ia maualuga ile Faleagafulu ma le Manu’atele.Aua le susu o Sua male Vaifanua, fofo ma Itulagi, Itu’au ma Alataua, Sa’ole ma le Launiu na saelua.

Tainane le Nofo a Ma’opu. Le Afio ole La’au na amotasi, Ali’i fa’atui, ma le ‘Auva’a o to’oto’o, ma upu I le Manu’atele.

Fa’atalofa atu fo’i, ile Afio ole Kovana Sili male Kovana Lutena, Afio lau afioga I le peresetene ole maota maualuga, le fofoga fetalai o le maota o sui, ma le tafatolu o le Faigamalo a Tutuila ma Manua. 


Ia ae matua lava le tuu, I le faanonoga manu I auauna o le Talalelei o loo tala faauto I itu e fia o Samoa ona o le valaauina a le Atua. 

Ua faamalo le soifua laulelei

Ou te manatu lau Afioga ile fofoga fetalai. O Samoa mamala na. Taalolo la’ia, pa’ia le oia, ma mamalu fa’alanugata. Auā a satia outou pa’ia, Samoa e; ona tavelo lea o tao o toa o Samoa ile vateatea, ae fa’aifoifo i malae uma, e afua mai I le matasaua, se’ia gagaifo le la I le fafā o sauali’i. 

E mafua Aiseā lea mea?  Auā  fo’i, e leai se vave. E leai fo’i se matua o faiva fa’afia lima mae’a, e na te toe uluulu matā lauina le maota o Samoa. Ua uma ona atofuli, e outou tua’ā, ma ni o matou matua, ta’alolo ia. 

FAAFETAI LAUTELE.

Lau Afioga ile Fofoga fetalai,

O le viiga ma le faafetai I le Atua Soifua, o le Atua e faavae ai Samoa e le faaitiitia I aso faapenei. E maualuga le talitonuga o lo’u tulai atu I le aso I luma o lenei maota fono mamalu, ona o lana valaauina ia te au. Faafetai tele le Atua I au meaalofa, e ala I lenei tofiga, O lau tatalo faatauanau, ia e fesoasoani mai ia te au I le faatinoina o lenei auaaunaga,  ma ia aua, AUA lava nei ia tei matou, ae ia foi pea le viiga ia te oe. 

Avea ia lenei avanoa maualuga, e mauala ai se leo ole ‘au’auna, e momoli atu ai, mai le ta’ele ole agaga, la’u fa’afetai tele ma la’u Fa’amalo, I le pa’ia male mamalu, o si o’u itumalo.  


Tulouna ia le malae i  Mataniu Feagai male ata. Ole Malae, na sunu’i ai le alafale ole Atua. Ole malae, na ulua’i pulafia ai le lagi o Samoa, ma fulitua ai tupu o Samoa ile fa’anu’upo, ae liliu ane, e tapua’i ile Atua,  ma lona Malo e Fa’avavau. 

O Matāniu, e Susū ai le Aiga Sa Malietoā, ma ona paepae e fia. E Susū ai le alalafaga o Usoali’i, ae alalatai ai Mago ma i la’ua, Luāsi’ufanua, faapea le nofo Ituaiga, ia te ‘oe Sapapali’i. 

Talofa e, ole’ā se ‘upu a fai atu. E moni ai tala a le Atunu’u. “E lē tauiloina le asa ale tupu.”  A lele ua silasila ma fitafa’afofoga Samoa, e ala ile tofa sa’ilimalo. E pei o ‘upu i ali’i sa’afi’afi; Se! ua ta u’u, ua ta pagi, ua ta moe I le va o tama’ita’i. Malo fa’afetai. 

O lea Ua tasi mai Saua, ae fa’alua i Matautu a’ai.

E  Fa’atulou atu I le malae i Fuifatu, e fofola ai le fala e tasi  e susū ai Su’a o le tupu na tausi, e to’oto’o o Fuifatu, ma le Fa’asaleleaga

Tulouna Fuifatu Ole malae ole so’aigā tao a le Usoga Puleono i Salafai, a’o le tō’aiga o le fa’a alataua a Tumua.

Ole malae e  E afio ai lau Afioga Leilua Pe’aali’i, ma lo outou aiga o Sa Leiluā, e afifio ai le to’alima o Ali’i. E afifio ai le Aiga Sa Alaalatoa. E Susū ai Alo o Malietoa ma le Matua. 

Ae Alaalata’i ai, i la’ua na  Pule, Tuilagi ma Namulau’ulu. Alalatai ai Ma’oputufuga ma le na ‘Aimalae, le Lauti na laulelei, le Vainalepa, ma le mamalu ia te ‘oe Safotulafai.

Fa’afetai i la outou tofa, ole la’au taia ele oia i matagi, ou te malu ai.

Ole Susuga pa’ū, ole ma’a fa’afuagalu, Malo fa’afetai. Malo fa’aeaea.

Fa’afetai le sa’ilimalo, i lo tatou aiga o Sa Namulau’ulū i ona Fuaifale e fia, ma lau Fetalaiga Tuilagi, male Fuaiala. Fa’afetai Ma’oputufuga, male mamalu ia te oe Safotulafai.

O Sa’afiafiga a le tupu o Tavita Ia Ionatana, sa sili foi lou alofa ia te a’u, nai lo le alofa o Fafine. Ua fa’apena lagona tutupu a’e lo tatou nu’u e. Se ua malepe le fale ole agaga i la outou puleto, ma lo outou alofa molipo, I le tagata na fanau I lou manava, sei tulou. Fa’afetai.

Le Afifio ole fuaifale na to’ese o Salevalasi, Lau fetalaiga Fuga, male mamalu ia Safotulafai. Lo tatou nu’u i Tapu’ele’ele. Malo le toa, Malo le tau. Ole mōlī ile tu’ugā  lāmepa, male ‘a’ai e tū ile mauga E lē mafai lava ona lilo. A lea ua ‘ila le ‘ai pei ole faiva o matematega. Malo Fa’afetai.  Faafetai le tauatai.

La pa’ia e, o Faletua ma tausi, Sa’oao ma tama’ita’i, le malosi o lo tatou nu’u ma i latou uma na tau peau mamao mai i itu e fia o Samoa nei ma atunuu e mamao, ona o lo outou sailimalo. Se ua malo le alofa, faafetai le lotonu’u.

Lau Susuga To’oa le Sa’o na lua. 

Lau Afioga Tuitogamatoe. 

Lau Susuga Tātā ma Tei. Malo Fa’afetai.

Afai ole pae male ‘auli lo outou fa’alupega tina. O outou a’ao, o ‘a’upega, e tau ai le taua.  Aua o gaugātao lava e fasi ai ‘au. O lau tou tuualalo o le fesoasoani sili I taimi o puapuaga ma le le mautonu. O outou aao, e malu ai le pitola’au a Ali’i ma Faipule. Malo Fa’afetai.

E le fa’agaloina fo’i ile agaga, la’u Fa’afetai, i tamali’i ma Failauga o lo tatou Itumalo, o nai o’u uso, vae atu outou sa.  Sa o matou tausinio ile faigapalota. 

Lau Susuga Papali’itele Ta’eu Masipa’u, Lau Tofa Maileimalo Eneliko Pau, ma lau Tofa Lemai Faioso Sione, sa ofoina mai foi lo outou soifua e fia tautua i lo tatou Itumalo e ala ile Faiga filifiliga. Ou te manatu o lenei ua tumatila le finagalo o lo tatou Itumalo, ma ua agai mai ia te a’u. O la’u tatalo, tatou galulue fa’atasi, aua so tatou sao mo Samoa ma ona upufai. E le tu faamauga foi se tasi na valaauina, aua e fai aso le Atua. 

E le uma le agaga fa’afetai, ile Afioga ia Pa’u Sefo Pau. sa ia alagaina le galu ma sisi le atu o le taeao, aua le tofi o lo tatou itumalo. Talofa e, e ui lava ina ua tu’ua le malo, ae o loo mulimuli foi ia te ia galuega lelei na ia faia. Ou te tatalo ile Atua, ia maua so’u malosi e fa’aauauina ai ia galuega lelei. Tau ina ia alofagia pea e le Atua, ia maua pea le faamafanafanaga, le lototele ma lona filemu I lau Afioga I le Faletua, le nofoa alo ma le aiga faanoanoa. 

E fa’apito’augafa la’u Fa’afetai tele. i nai  o’u tamā Fa’aleagaga, i le nofo ā Fa’afeagaiga ma o outou Faletua, e le gata i totonu o si o’u itumalo, a’o tafa e fia o Samoa, ma le lalolagi atoa. 

Se Ua tafe tino i vai, le mana o a outou talosaga. Ua leai se mala e afe, e to’ia ai le tatou fa’amoemoe. E lē mafai ‘ese ‘upu molemole ona fa’alanuina, la outou galuega fita. O le tatalo. Ia fa’amanaina e le agaga pa’ia la outou tofa fa’ale Atua, aua manu faaifo mai le lagi mo Samoa.

E fia faaleo fo’i le agaga Faafetai I le vaega fa’a upufai a le HRPP, lau Afioga i le Taitai / Palemia ma sui mamalu uma. Fa’afetai I le taliaina o se finagalo o  lo’u itumalo ina ia ou tauaveina le fua o le HRPP I le faiga palota ua mavae atu nei. O le mea moni, e tautala galuega, e tautala mea lelei ua faatinoina, e ala I la outou tautua fai fai pea i Samoa atoa, e aofia ai fo’i si o’u itumalo. 

A lele ua tali fa’aaliali le mamalu o Faasaleleaga Numera 2, ua filifilia ai a’u nei, o le sui fa’atu o le Vaega Fa’aupufai o le HRPP, e faaalia ai le tumau pea o la latou lagolago, ma le fa’atuatuaina o le vaega faaupufai a le atunuu, ua masani I le tautua atunuu. E tele ou fili, ae pe afai e au le Atua I se vaega faaupufai, e silasila mamao mo le manuia alu I luma o fanau a Samoa, o ai ea se e faasagatau mai. Faamalo le galulue, faamalo le tautua punouai. 

E le mafai foi ona faagaloina si o matou fale faigaluega,  a le Federal Pacific Group i Samoa nei ma fafo atu o Samoa.  Lau Afioga I le taitaifono, le komiti faatonu, le pulega ma le ‘aufaigaluega atoa. Talofa e, ua outou mafatia, ma gaseā. E tatou te le soo toto pe soo tino, ae sa faatino la outou galuega alofa, I le lagolago I lenei faamoemoe ona o le tatou mafutaga. Faamalo Faafetai.


ADVERTISEMENT

Fa’afetai i nai a’u uo, ‘aumeamamae ma nai a’u pa’aga fai pisinisi, ua logo i tino, logo i loto, pei ole tala ile malofie, lo outou alofa tula’i ma le so’oso’o tau’au, ua mama ‘avegasi’i ai lenei fa’amoemoe. Faafetai faafetai tele.

O’u paolo e, ma o’u gafa. O o’u aiga ou te malu ai, Se o upu a le au matutua pe a lalanu uaga, se ta te inu I ota tino. Ua le natia I fatu alavai lo outou alofa moni, lo outou titi faitama, ma lo outou tala tama fa’aaliali, i ituaso o faaiuga ma filifiliga faigatā ole olaga, aemaise lava i fa’amoemoe tetele fa’apenei. Se ua faamalo fa’afetai. 

Faafetai Matua ua Maliliu.

E taua tele ia te au I ituaso faapenei ona ou faafetai faapitoa I nisi o ou matua, sa tele so latou sao i Iou olaga tuputupuae, ae ua fai I lagi le latou folauga, 

Ou te faafetaia matua o lou Tina, le Susuga I le Faafeagaiga ia Setu Namulauulu ma si ou Tina o  Avalisa Fetui Fuamatu Namualuulu.

Ou te faafetaia nai ou matua o Fuimaono Joseph Konesane Fuimaono ma si ou Tina o Vevesi Tugaga Fuimaono

Ou te manatua si ou Tina O Luaao Leiataatimu Viali ma si ou Tina O Upu Setu Namulauulu.

Faafetai I la outou tausiga, timaaiga ma aoaoga taua, ele taumate o lea ua manuia ai lou olaga

Matua I NZ.

Ou te manatua foi le tapuaiga a nai ou matua, o loo nofo tapuai mai I NZ, I si ou tama o Taulapapa Leota Fau ma si Ou Tina o Ututaufaomalesami Namulauulu Leota. Ua le auai mai ona ua le atoatoa le la malosi sei tulou. Ou te Faafetai I luma o lenei aofia ia te oulua matua mo mea uma, ma ia saga faamanuia le Atua I te oulua. 

Faafetai ia Maria

Muliai lau faafetai I si ou toalua o Taulapapa Maria ma si au fanau. O taimi uma o te talanoa ai I si ou toulua, ou te lagona ai le agaga faafetai I le Malo o Samoa ona o avanoa o loo auina atu ai fanau e faalauteleina le atamai e ala I aoaoga I atunuu mamao, aua foi o I tonu lea sa ma  feiloai ai ma le matou aiga I totonu o Ausetalia..

Ina ua maea le tausaga muamua, sa maua mai le faaiuga o suega faaiu o le tausaga,  ua matua tele le faaletonu..tasi lava le mataupu e pasi, ia ae le pasi (fail) uma isi mataupu. Na matua ou lagona le faanoanoa tele, ona ua logo mai au e le ofisa, o lea toe faafoi mai au I Samoa. O le mea moni, ua ave le faamuamua I isi mea le aoga ma tuinanau o le olaga, ae ua faatuatuanai le aoga na mafua ai ona tuua aiga ma Samoa. 

Sa ou manatu e sili loa pe a tau mai I si ou tina o loo talimau atu I Samoa nei..O le uso lea o lou tina sa ou nofo aoga ai I Vaimoso, ua tausaga o tautua I le Falemai, o ia sa ia faaogaina ma tausia au I lea vaitaimi.

Sa ou talanoa mai I le loomatua, malie oe Tina ua ou le mafaia le aoga, ae o au o le a ou toe foi atu, e sue se galuega e tausi ai le tatou aiga.  

Pe tusa e 10 minute o otegia au e le loomatua, lou faatamala, lou tautalaiitiiti. Ia sa tuu lava le loomatua sei maea lona le fiafia, ae ua faateia au I ana upu mulimuli..sa faapea mai ai, vaai oe atalii, a faapea a ua e le mafaia le aoga, sue loa sau teine palagi e te sau ma aumai..aua nei foi fua mai lau Malaga. 

Ina ia vave ona faamotu le talanoaga, sa ou tali mai I le loomatua, ua lelei tina o lea faia le mea ua e finagalo I ai. O le mea lea e le o iloa e si loomatua I lena taimi, o lona manaoga e le faigofie, o le isi avega mamafa ua toe faaopoopo mai, aua foi  e moi a la e sikolasipi, ae o la e tau faamasani lava I le tautala I le gagana faaperetania. 

Ui I lea sa usitaia le fautuaga a le loomatua, ae o le mea ua tupu, na fai loa lau uo palagi lea, ou toaga loa I le aoga, aua foi ua ou mautinoa, ou te faaletonu loa, toe tuli mai au I Samoa, ia ma ma faamavae ai loa ma si au uo. Ua 30 nei tausaga talu ona Malaga mai si au uo I Samoa nei, ma ua le o toe teine palagi, ao lea ua avea  o se tina Samoa moni. 

Maria, I want to thank you today. Without a doubt you have been my hidden strength.   I want to thank for standing by my side through the good times and in particular the rough and challenging times .  Thank you for for being the silent, devoted and hard working wife behind the scenes.  Faafetai, faafetai tele lava.

Lau Afioga I le fofoga fetalai. O lea ua mae’a, ona ou tapui le va tapuia, e tusa ai ma tatou tu ma aga faaleaganuu I ona tulaga faalupelupe.. taalolo ia.

Ao lenei vaega o le aso, o lea sei faailo se manatu o lenei itumalo aua le taulafoga o loo faia nei. 

MATAUPU TALA I LE TUPE MA MANATU LAUTELE

Faafetai I lau Afioga I le Minisita o Tupe I le tala manino o le tupe ua faataatia mai I lenei tausaga. E matua matagofie le sini autu ua faataoto, “ Ia autasi mo se lumanai manuia o Samoa”  

Ou te manatu ona o au se sui o le komiti sa lauliliuina le tala faatatau o tupe ua faataoto nei, 2019/2020, ia o lea la o le a le tele ai se faamatalalaga I lea vaega. Sau se taimi ona folasia atu lea e le Afioga I le matou taitaifono, le aotelega o le matou galuega. Pau o lea e. 


  1. E ao lava ina faaleo atu le agaga faafetai tele I lau Afioga I le Fofoga fetalai ma sui o le Komisi faa- Palemene, ona o lo outou faatuatuaga, e ala i tofiga ua outou faaeaea ai I lenei itumalo ile Komiti o Tupe Totogi ma Tupe Alu.


  1. E fiafia e faailoa atu le lagolagoina atotoa e lenei Itumalo o le tala faatatau o le tupe ua tuuina mai 2019/2020.

Ofisa Palota

Lau Afioga i le Fofoga o le Fono, E momoli atu le agaga faafetai I le Malo auala atu ile Afioga I le Minisita o Faiga Palota, ona o galuega lelei uma sa faia i nisi o Tulafono ogaoga ma le maaleale e le’i leva ona pasia atu e lenei Maota.  

Amuia foi lenei Itumalo, ua faamauina i Tala Faasolopito o Tulafono Faiga Palota, ua o latou asaina le gasu o le taeao, i le uluai faatinoina o manaoga o ia Tulafono. O Tulafono sa fulifuligata faalaaumamafa I le tofa ma le faautaga alualu mamao,  aua e ui lava sa tetele  I Pesega, ae sa matua a I le o’o. 

E tele ma anoanoa’i vaega lelei o nei Tulafono sa o matou maitauina i la matou faiga palota laititi. 

  1. O le le toe iai o ni fale palota faapitoa i Apia nei, ua tafiesea ai le laumea faapaia mata sa faa vaatuia ai sui tauva e ala lea I le manumalo mai Savaii ae toilalo atu I Tumua nei. 
  2. O le uluai palota lenei ua ave ai le faamuamua mo le au matutua, ma le mamalu o le atunuu e le atoaatoa le malosi, aemaise I latou o le a fou Malaga.

Pau si a matou tuualalo faamanatu, 

  1. Ia lava le taimi e faalauiloa ai e le tatou ofisa lea vaega, aua le nofo silafia o tagata palota. 


  1. Ina ia faatinoina e le Ofisa o faigapalota le ililo totoa o le agavaa o sui tauva ina ia tusa ai ma le tulafono.  Ina ia taofia ai le anoano o le mau vevesi o loo tulai mai I taimi o faiga palota, aemaise I latou o loo latou faatupu vevesi ma faia nei solitulafono ma le iloa. 
  2. Sei tagai ifo le Ofisa I le faataua ina o pulega mamalu a alii ma faipule. 

O le tasi lenei meaalofa tuusao a le Atua ia Samoa, o lana faamatai, e pulea ma taitaina ai Samoa ma ana Faigamalo. O le molimau ola, o loo nofo filemu ma fealofani ai pea Samoa I le sili atu ma le 3000 tausaga ua mavae, seia oo mai lava I le aso. 

O le atugaluga, ona e leo I ai se vaega o faataua ai le tulafono le Aia Tatau a Alii ma Faipule e fai ai a latou faaiuga tonu ma talafeagai, i totonu o Nuu ma Afioaga.  

E maualuga lo’u talitonuga, o le Malo o Samoa ua faavaeina I le Atua, ae salani I tu ma ana aga I fanua faasamoa.

Lau Afioa I le fofoga fetalai, O le talosaga lena, sei tagatagai ifo le Malo I le faa-tauaina pea ole pulega faamatai aemaise I taimi o a tatou faiga filifiliga. Ou te le tau faailo, O le Maota lenei, o le Maota o Matai, ua filifilia mai e Samoa atoa, o le maota mo taganuu o Samoa uma. 

E le faatonuina le la I le mea e goto I ai, ma le fisaga I lona ala e agi ai,  Ae tauia ina ia taulia I le ave so matou vaivaiga tautau le mau, I tafatafaane o lau afioga I le Minisita ma le Malo. 

Iapani

E fia faaleo le faafetai tele i le Malo o Iapani i lona sao maoa’e, ma lona ‘a’ao fesoasoani mai ia Samoa, ma ona tagatanu’u uma, ile tele o tausaga, e ala atu I lau Afioga i le alii Amupasa ole malo o Iapani, I Lau Afioga  Maugaoleatuolo, o se matai o lenei nuu ma lenei itumalo.

Faafetai mo le faamatuuina mai o le fesoasoani tau tupe aua le toe faaleleia o le faleaoga o Safotulafai. Tau ina ia saga faamanuiaga pea le Atua I lau Afioga ma le malo o Iapani. 

Sapapaplii Ford

Faafetai I lau Afioga le Alii Minisita ma le Matagaluega o lena ua faatino le auala I Maliolio I Samalaeulu, o se tasi o auala sima e matua sopo gata pe a louloua le tau. 


Ae na ona ou valuvalusia ai aa o le fau I se finagalo o lau Afioga ma le Matagaluega, pe le ua tatau ona sei tagai ifo loa I le auala Sima lea o loo I Sapapalii aua o loo I luga foi o le tatou auala autu.


O le mea moni, e tutusa lelei lava faigata o loo feagai ma tagata femalagai I Maliolio ma Sapapalii. 

O se popolega tele, ua matua lamatia soifua o tagata aemaise le afaina o eleele ma faatoaga pe a sopo utu tafega.  


Auala Patamea ma Samalaeulu

Faafetai I le Malo I se tofa ua ae, aua le toe faaleleia o le auala lea e ui atu I tua o Safotulafai agai atu I Patamea/Samalaeulu ma isi nuu.  Faafetai aua o lea o le a I ai se auala ‘alo I aso louloua aemaise pe a motusia ma osofaia e galu tetele le auala autu. 


Auala Galue

E fia afea’ina e sau faamatalaga le auala galue a Tuasivi ona e taua. O lea ua maea ona asia ma fuafuaina (survey) e le Matagaluega, ma o le auala lea I Tuasivi o se auala ua talafeagai mo le faamoemoe lea a le malo, e aveesea faatopetope atu ai gasegase mai le falemai I Tuasivi agai atu I le auala fou lea I Patamea ma Samalaeulu, pe a oo I taimi o galuafi ma Tsunami. 

O lena foi ua I le matagaluega le matou talosaga mo lea auala, atoa ma le matou matua lagolagoina o lea fuafuaga fai a le tatou malo.

Auala Sima Tapueleele ma Vaiaata

I le faatinoina lava o le auala lea e agai atu I Patamea ma Samalaeulu, O lea foi ua faaalia e le matagaluega o le a faaleleia ai ma le auala sima o loo I Vaiaata o loo agai mai ai Tapueleele. 

O se faamanuiaga tele lea i si o matou nuu o Tapuelelele aemaise le Kolisi o Vaiola ma I latou uma o loo nofoia lea nofoaga, ona ua tausaga ona le mafai ona sopoia lenei auala sima pe a tetele tafega I aso louloua. 

Suiga o le Tau.

E le o po malaē I lenei vaitaimi ole si’isi’i i luga ole suasami, ua matua oia ai lava le alogalu I totonu o si ou itumalo, ile afua mai i Sapapalii, se’ia pa’ia Tuasivi. 

E tatalo atu I le Malo, sei tagai ifo mo ni taligalu mo si o’u itumalo. Aemaise lava i aiga tau lalata ile sami. E na’o na tu’itu’i malofie atu lava, ile tofa lufilufi lima lelei, se’i e silasila ane lau Afioga I le Minisita, ile talosaga a lenei itumalo, aua lava le malu puipuia o soifua o tagata, pe’a o’o ina gatalitaliā ma soua le gataifale.

Upu Faaiu

Lau Afioga I le Fofoga Fetalai, matou te ta le lave, ma leu le iuofe, a tautai o le mafua taulafo, e avatu ai malu I puega I le fita faafofoga I lau Afioga I le Alii Palemia, le aiga Kapeneta ma sui mamalu o le fono usu a Samoa, ae tainane le tapuaiga mamala I le vaafolafola o le talalelei, tama ma aiga, le usoga a pule ma tumua, ituau ma alataua aiga I le tai ma le vaa o Fonoti. 

Faamagalo se matou upu ua logovale, pe tau laulu I la outou fita faafofoga. 

O upu lava a le au fai tofa o le atunuu, e leai se faiva e leai se lafoai, e ui a ina poto le tautai, ae se lava lana atu I ama. Ua manatu, Faamagalo ni lape ma faatafea ni ili mamate, ae tatou seu I le Atua e magalo ai mea uma.

Faatai ma se leo o le auauna, faamatafi e le Atua Ie tatou Aso, Soifua ma ia manuia. 



ADVERTISEMENT
Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?